DILI, STLNEWS.co - Ministru Administrasaun Estatal (MAE) halo ona verifikasaun ba nomeisaun Administradora Manufahi Filomena da Costa Nunes, maibe iha nomeisaun nee mosu iregularidade tanba nee governu sei loke fali konkursu foun.
Ministru Administrasaun Estatal (MAE) Miguel Pereira de Carvalho hatete, nomeisaun ba Administradora Manufahi dadaun nee Ministeriu Administrasaun Estatal haree hela nia legalidade husi aktu Administrativu.
“Ami hahu verifika katak prosesu nee iha ida mak eziste iregularidade, entaun Ministeriu iha desizaun rua deit, ida atu avansa segundu kandidatu no ida fali abertura konkursu foun,” dehan Ministru Miguel jornalista, iha Edifisiu ministro baiano, Tansa Aitar. (29/09/2020).
Nia dehan, prosesu rekrutamentu nee mosu iregularidade, tanba la lao tuir dalan legal neebe iha.
Enkuantu antes nee Ministru Administrasaun Estatál (MAE), Miguel Pereira de Carvalho hatete, Administradora Manufahi, Filomena da Costa Nunes, também oras nee seidauk bele halao nia knaar, tanba populasaun no veteranus sira kestiona hela kona ba legalidade ba nomeasaun. *
Suara Timor Lorosae | Reportajen: Alberto Menezes | Editora: Carme Ximenes
Imajen: Ministru Administrasaun Estatal (MAE) Miguel Pereira de Carvalho. (Foto: STL / Alberto Menezes
Sem comentários:
Enviar um comentário