BOLSA DA MÃE NAKONU DISKRIMINASAUN

Membru Parlamentu Nasional husi bankada FRETILIN levanta kestaun katak, bolsa da mãe nakonu diskriminasaun ne’ebe benifisia fali ba ema ne’ebe maka iha kbiit ne’ebé la merese simu osan bolsa da mãe nian.

“Bolsa da mãe ne’e atu fo benifisia ba ema ne’ebe funeravel ou ema kbit laek sira nia oan, maibe buat ne’ebe akontese iha terenu iha Municipiu balu liu-liu iha Municipiu Manufahi iha sub-distritu Fatuberliu inves-de fo ba ema funeravel ou ema kbit laek sira nia oan, maibe ema ne’ebe funisonariu ho ema ne’ebe ita haree katak posibilidade para atu bele fo sira nia oan ba eskola sira ne’e maka simu fali,”deputada Angelica da Costa levanta asuntu ne’e iha plenaria Segunda (8/6) horseik.

Nia hateten, lista iha nain 71 ne’e Ministeriu kompetenti tenke hadia hikas para nune’e identifika lolos ema ne’ebe mak merse simu osan bolsa da mae ne’ebe passa husi xefe do Suco sira ne’e.

“Husu ba Ministeriu ESTATAL atu bele fo atensaun ba iha xefe do Suco sira atu pasa deklarasaun ba ema ne’ebe merese atu simu bolsa da mae ne’e tenke identifika sira nia ema iha sira nia Suco nia laran ne’e haree ida ne’ebe mak funeravel e kbit laek duni, labele pasa deit deklarasaun,”hatutan nia.

Iha fulan kotuk ema 71 sira ba forma iha BNCTL hodi simu osan (sentu e oitenta dolar) ba fulan 6 nian ne’e persiza hadia hikas.

Entretantu ba asuntu ne’ebe refere seidauk iha konfirmasaun husi Ministeriu kompetenti atu klarifika kestaun ne’e, maske nune’e deputada Angelica iha lista ba kompleitu ba asuntu ne’e rasik. bal

Jornal Nacional