ESTADU LA SERIU, MAUK MORUK KONTINUA LIVRE

DILI - Estadu  Timor Leste (TL), foo fiar ba Falintil Forsa Defeza Timor Leste (FFDTL) no Polisia Nasional Timor Leste (PNTL), halo oprasaun hodi kaptura grupu Kriminozu neebe lidera husi Mauk Moruk, maibee forsa rua nee la seiru, tamba nee Mauk ho nia grupu kontinua livre.

Lia hirak nee hatoo husi Observador Politika Anselmos dos Reis, ba STL wainhira partisipa Coordinating Board Meeting konaba Embaixador TL tomak iha Ministeru Negosiu Estranjeru e Keperasaun, Pantai Kelapa, Dili, Tersa (09/06/2015).

Mauk la kaptura nee hatudu katak ita nia forsa rua nee seidauk iha kapasidade atu asegura estabelida iha Nasaun, liu-liu iha povu nia leet, tamba kriminozu sira kontinua ejiste,”hateten Anselmos.

Nia hatutan Estadu tenki tau aan iha fatin no hases politika foer husi sira nia leet, para sira seriu hodi halao kualeker aktividade ho susesu, para nasaun seluk bele respetu soberania TL. Tamba ema internasional sira nota TL seriu atu resolve pais seluk nia problema ho susesu, maibee nia nasaun laran susar atu resolve.

Iha parte seluk  Observador Justica Evangelino da Costa Hornay, hateten Operasaun HANITA nebe halao husi Forsa rua hasoru grupu kriminozu neebe lideira husi Paulino Gama Alias Mauk Moruk, kuaze fulan rua ona nia rezultadu la iha. Informasaun kompletu iha STL Jornal no STL Web, edisaun Kuarta (10/6/2015). Joao Anibal

Suara Timor Lorosae