KONTA BANKARIA LA SAMA IHA DEIT US$ 10.00

Haree husi kargu politika lobuk ida maka saudozu Fernando La Sama de Araújo, asume durante ne’e, ema hanoin katak, Saudozu La Sama, moris diak ona no bele dehan, “riku”. Maibe, espetativa ne’e dok tebes husi realidade moris Saoduzu La Sama nian.

Saudozu Ministru Koordenador asuntus Sosiais no Ministru Edukasaun, Fernando La Sama de Araújo, to’o hakotu iis, la iha kareta privadu luxu (elite) ida maka tau naran La Sama nian no la iha mos motor privadu ruma maka hatudu hela katak ne’e lembransa Saudozu La Sama nian.

Saudozu La Sama husik hela deit osan ho montante US$ 10.00 iha nia konta Bankaria iha Bank Mandiri. Husi sorin seluk, nia mos husik hela osan US$ 300.00 iha konta Bankaria Banco Nacional Ultramarino (BNU) ho kareta privadu ne’ebe antigu tebes no gripa tiha ona.

‘’Ikus liu ha’u ba cek Saudozu nia saldo iha konta bankaria Mandiri iha deit osan US$ 10.00 no balu dehan U$D 300 ne’e iha nia konta bankaria BNU karik,’’ hateten Asesor Saodozu Fernando La Sama de Araújo nian, Marcelino Magno ho mata wen ba jornalista sira iha Ministeriu Edukasaun, Vila Verde, Dili, Segunda (08/06/2015).

Marcelino Magno, nu’udar pesoal ne’ebe besik liu Saudozu La Sama durante asume kargu hanesan Prezidenti Parlamentu Nasional, Vise Primeiru Ministru mai to’o Ministru Koordenador ba asuntus Sosiais no Ministru Edukasaun.

Marcelino Magno fo sasin katak, Saudozu La Sama, figura ne’ebe moris simples tebes no la preokupa liu ho riku soin ka osan.

Saoduzu iha duni kareta privadu ida, maibe antigu ona no gripa tiha ona no   uma privadu iha Ailok Laran, ne’e antes Saodozu mate hekerek tiha ona karta (wasiat) katak, uma ne’e entrega ba nia oan mane Hadomi.

La Sama mos iha uma ida iha Delta, ne’ebe hanoin ona atu fo ba nia fen bot, maibe prosesu legalizasaun nian sei la’o hela, derepente deit La Sama husik hela familia, amigu no povu tomak iha Timor Leste.

Uma ida Delta ne’e, tuir Marcelino Magno, katak, la’os Saudozu La Sama maka halo, maibe nia maun-alin sira maka hanoin ajuda material hodi halo uma ne’e.

“Uma iha Ailok Laran halo ne’e momentu saudozo hanesan Prezidente Parlamentu ba halo vizita iha Japaun, ha’u hola inisitaiva baku rahun tiha uma ne’e hadia fali, antes saudozu mai fali uma ami baku rahun hotu uma ne’e, saudozu hirus ha’u, nia dehan tanba sa mak o mai mete hotu ha’u nia uma ne’e, nune’e ha’u hatan ho hamnasa katak, Prezidente Parlamentu saida mak uma hanesan ne’e, ema mai haree laos o mak moe ami mos moe hotu, ha’u koalia hanesan ne’e saudozu mos hamnasa hotu, uma ne’e halo ami selu oituan-oituan,’’ Marcelino hateten.

Tuir Marcelino Magno katak, servisu ne’ebe Saudozu konsege halo mak, durante tempu difisil lidera parlamentu, tanba momentu ne’e opozisaun forte tebes, momentu ne’e opozisaun la rekoñese Governu sira bolu Primeiru Ministru ho Governo de Facto, situasuan ne’e difisil tebes, maibe Saudozu konsege lidera parlamentu ho susesu.

Marcelino subliña liu tan katak, momentu ne’e maske saudozu mai husi partidu Governu nian, maibe nia la halo diskri mi nasaun ba partidu opo zi saun sira, saudozu kon sidera hanesan maun alin hotu i dala ruma deputadu sira husi PD nervozu fali Saudozu, tanba Saudozu haree diak liu deputadu FRETILIN doque deputadu sira husi PD nian.

‘’ Dala ruma nia tur iha leten haree Deputadu David Dias Mandati ho Francisco Branco, moras oituan, nia orienta kedas ba ha’u hodi hakbesik ba deputadu nain rua ne’e hodi husu tuir sira nia saude. Wainhira moras, maka Saoduzu hasai kedas nia fundu kontijensia haruka ba trata deputadu sira nia saude,’’ haktuir Marcelino.

Saodozu ema ne’ebe iha relasaun humanu ka sentimnetu humanu ne’e forte tebes. Momentu saudozu lidera parlamentu ne’e mos konsege halo balansu ne’ebe diak tebes, ema balun hatete, karik Saudozu la forte diriji parlamentu IV Governu monu tiha ona. Maibe nia konsege jere politika iha situasaun difisil nia laran to’o eleisaun 2012.

Marcelino konta tan katak, hanesan vise Primieru Ministru (PM), Saudozu tau nia an hanesan vise duni, saida mak PM Xanana Gusmão fo ordem nia hala’o, iha buat lobuk ida maka Saudozu hala’o, tanba iha momentu Saudozu sai vise PM iha situasaun susar liu mak operasaun ba CPD-RDTL iha Welalohu.

Momentu neba, PM Xanana orienta Saudozu mak tun hodi resolve problema ne’e, ikus mai saudozu konsege netraliza duni situasaun ne’e ho polisia no F-FDTL no mos situasaun operasaun Ninja iha Maliana no Quelecai no mos problema negosiante hali laran.

‘’Durante governasaun AMP la konsege muda, tanba buat ne’e la fasil atu muda negosinate sira, maibe antes fulan 1 tama ba seremonia CPLP, PM Xanana orienta Saudozu atu muda negosiante hali laran, nune’e Saudozu servisu hamutuk ho Abel Ximenes momentu ne’e hanesan vise MCIA ho sekretariadu Estadu, Luis Rodrigues ho Ricardo Cardoso Nheu konsege rezolve duni situasaun ne’e hodi muda negosiante sira ne’e,’’ Marcelino fo sasin.

Iha tempu sai vise PM, Saudozu mos konsege forma unidade monotorizasaun atu ajuda ministeriu sira ne’ebe kordena atu ezekuta prog rama prioridade ne’e lais liu.

Mai fali iha Ministeriu Edukasaun, hateten Marcelino Magno, Saudozu fo atensaun bot liu ba kuríkulu, saudozu mos dala barak preokupa ho reprezentante povu iha parlamentu nasional ne’ebe mak preokupa liu ba merenda eskolar ho fasilidades kadeira no meja.

Saudozu antes mate fo hela orientasaun ba vise ME Dulce Maria de Jesus, atu haree didiak kuríkulu. Saudozu mos ema ne’ebe hatene poupa osan.

Iha ME iha sentru imprime ne’ebe oferese husi KOICA, maibe ME sira ladun uza maksimal, to’o Saudozu tama mai ME, Saudozu rona katak, ME iha sentru imprime, entaun Saudozu kansela hotu tender ne’ebe ME loke atu halo imprime ba livrus sira ne’e, hodi deside halo deit imprimi iha sentru emprime Edukasaun nian.

Ho desizaun ne’e, Saudozu konsege poupa osan Estado ho montante miloens 1.7 USD no dader-dader antes sa’e mai saudozo nia gabineti, saudozu tenki ba haree lai sentru imprime nia servisu.

Osan ne’ebe saudozu poupa ne’e atu halo fali kolegio 4 iha Lautem, tanba foin lalais Saudozu ba halo visita iha Lautem, labarik sira husi area rural ne’ebe mai eskola iha vila hela iha uma dut deit.

Programa seluk mak Saudozu hakarak hasa’e kualidade profesores sira nian, tanba iha Universidade Nacional Timor-Lorosa’e (UNTL), tinan-tinan produz finalista ba profesor sira barak tebes, tuir lolos semana ne’e iha reuniun entre reitor UNTL ho dekanu sira hodi koalia kona ba formasaun ba profesores sira .

‘’Saudozu mos hakarak konvida Prezidente Republika to’o ema profesional sira atu tun ba eskola baziku sira ne’e fahe sira nia esperiensia ba labarik sira, exemplu ema ne’ebe esperiensia mediku, nia fahe esperiensia mediku, nia hanesan polisia, koalia kona ba esperiensia polisia nian, karik nia emprezariu diak ida nia koalia kona ba nia profisaun emprezariu, maibe seidauk realiza Saudozu mate tiha ona, tan ne’e ami halo planu ona hein ministru foun mai ami bele aprezenta planu ne’e,” hateten Marcelino Magno.

Figura PD Barak

Kona-ba figura potensial hafoin Saudozu La Sama, Marcelino Magno, afirma katak, lider barak maka iha partidu PD nia laran, ne’ebe potensial tebes atu troka Saodozu La Sama ba kargu Prezidenti Partidu PD, maibe kualidade mak la hanesan ho Saudozu La Sama. Nia

Jornal Nacional