L-7 Mantein Pozisaun Atu Halo Demo, Longuinhos La Fo Autorizasaun

DILI - Cornelio Gama L-7 mantein pozisaun atu halo Demostrasaun hasoru estadu Timor Leste, karik Ministru Interior Longuinhor Monteiro la fo autorizasaun.

Tuir Cornelio Gama L-7 katak, demonstrasaun nebe maka atu halo nee hare liu ba korupsaun neebe buras iha rai laran, tan nee hanesan ema Falintil ida hare katak Nasaun nee mosu problema barak, boot sira mos komesa lori malu ba tribunal.

Hau hanoin Ministru Interior Longuinhos Monteiro keta ameasa fali dehan, karik demostrasaun nee realize  duni, no laiha autorizasaun maka Long sei haruka forsa sira sei sai hotu, liafuan ida nee hanesan amesa fali ami no halo fali ditadura, tan nee Longuinhos ameasa ami ho ditadura maka ami mos kaer ditadura no sei la tauk ema ida too mate, nee maka pozisaun ami nia karik Ministru Interior la fo autorizasaun atu halo demostrasaun,” informa L-7 ba Jornalista sira Segunda (15/06/2015) iha nia knar fatin Bidau Mota Laran.

Nia informa liu tan katak, karta neebe maka L-7 haruka ba PNTL nee atu husu autorizasaun halo demostrasaun, tamba korupsaun iha rai laran buras, no liu hosi manifestasaun nee atu ajuda Governu sira bele lao los no labele estraga Nasaun, tamba rai ida nee sosa ho ran.

Iha parte seluk Ministru Interior Longuinhor Monteiru Via Telefone informa demostrasaun nee konforme Cornelio Gama L7 atu halo. Informasaun Kompletu iha STL Jornal no STL Web, edisaun Tersa (16/6/2015). Madalena Horta/Sonia Fereira

Suara Timor Lorosae