ANTES MM MATE, PR TAUR ESFORSA LA BELE FAKAR RAN

Antes akontese atake ne’ebe hamate Paulino Gama “Mauk Moruk” ho nia elementus sira, Prezidente Republika (PR), Taur Matan Ruak, nudar aman ba nasaun halo esforsu hotu atu la bele fakar tan, maibe la konsege.

Liu husi dialogu komunitaria ho ho kumunidade Suku Matata, Posto Administrativu Railaco, Munisipiu Ermera, Tersa (11/8/2015), PR Taur esklarese katak, ho esfrosu ne’ebe nia halo atu evita fakar tan ne’e la konsege, maka nia mos nudar Prezidenti Republika lori sala hotu.

PR Taur husu ba sidadaun tomak kaer metin dame   iha rai ida ne’e hodi kuda domin no paz. Tanba nasaun ne’e hanesan familia unma laran, kuandu iha familia uma laran mak aman ho inan kualia la rona malu, inan aman sira hirus malu.

“Ita nia familai sei rahun, uma laran rahun, tanba hot-hotu kualia la rona malu, nasaun mos hanesan, se’e ita la fiar malu, ita nia nasaun sei rahun,” hateten PR Taur.

Ho akontesementu ne’ebe liu ba ne’e, PR Taur   husu ba Maromak no matebian sira katak, problema hirak mak akontese   ida ne’e mak ikus ona iha rai Timor.

“Ita la bele fahe malu tan, ita la bele hirus malu tan, ita la bele fila kilat kroat ba malu tan,” afirma PR Taur.

Nudar aman ba nasaun, PR Taur husu perdaun no husu deskulpa ba populasuan tomak no ba familia hotu sira ne’ebe mak lakon sira nia oan, balun kanek no balun mate.

“Hanesan aman ba nasaun todan hotu hau mak lori, maibe PR Hanesan aman hakarak husu to deit iha ne’e ona, lakohi tan. Sira hotu MM ho nia kolega sira sira nia ran hamos tha sira nia sala ona, ita husu ba Maromak bele fo fatin ba sira hodi moris rohan laek, husu sira tulun no tau matan ba ita nia nasaun,”tenik PR Taur.avi

Jornal Nacional