MAUK MORUK TAKA NINIA PREGRINASAUN…

Jornal Nacional, editorial

Paulino Gama, konesidu Mauk Moruk, lider Conselho Revolusionariu Maubere taka ninia pregrinasaun iha planeta globe nee ho kilat musan forsa Empanhamento Operasaun Conjunta, Falintil- FDTL no PNTL nian.

Lider Conselho Revolusaun Maubere nee asumi kargu importante iha tempo resistensia, lidera Forsa FALINTIL, Unidade Brigada Vermelha maibe iha desintementu, difrensia opiniaun no lider nebe konservativu makaas ba idiolojia Marsista Lenista nebe FRETILIN komunga iha tempo neba, no alergia ba Mudansa Politika no estratejia funu nebe Komandate FALINTIL Xanana Gusmào obta hodi nunee deside rende ba militar Indonesia iha 1985, iha area Venilale nian.

Mauk Moruk kuaze naran lakon depois de rende, iha indonesia nian laran, aproveita hodi halai ba Holanda no fila fali mai Timor Leste, visita familia iha 2006, iha 2012 hafoin eleisaun lejislativa nia mai hela permanete iha Timor Leste.

Xanana – Mauk Moruk, lider rua la akur iha politika tamba problema pasadu 1985. Durante Mauk visita Timor Leste, konsege enkontru Xanana Gusmào oinsa solusiona problema, maibe la kleur deit Mauk Moruk harii Kosellu Revolusionariu Maubere nebe luta kontra injustisa sosial, korupsaun kolusaun no nepotismu too ikus mai tenki espresa ho krime.

Governu alergia hela ho revolusaun sira nebe akontese iha Tunisia, Mesir no Venezuela nebe mosu ho golbe Estadu, KRM nee mos uza uniforme semi militar tan nee atu evita situasaun nee, Parlamentu no governu hasai resolusaun hodi kontra esistensia Konsellu Revolusaun Maubere.

Durante esistensia grupo nee halo kritikas ba lideransa Xanana Gusmão nudar Xefi Governu, nebe konsidera distorsia historia ka kontra historia nebe kontrariu verdade historia nee rasik. Tan nee atu resolve problemas pasadu nian Xanana konvida debate publika nebe hili mediador Presidente Republika Taur Matan Ruak, Mauk Moruk la marka presenza.

Forma grupo nee dada sae bandeira CPD RDTL nian iha fat- fatin, mobiliza masa no uza uniforme semi militar nebe kontra konstituisaun halo fali dualismo Forsa Desefa Timor Leste nian no marsa tun sae.

Tan nee governo parlamentu hasai resolusaun hodi kaptura Mauk Moruk no detein durante nove meses. Mauk Moruk hetan liberdade kondisional kuandu governu dese reforma iha area justisa no espulsa juis nebe toma kazu nee hodi nunee Mauk libre kondisional.

Maske nunee Mauk moruk la soe hahalok nebe nia halo nee, kontinua kritika governu, ejiji desolve governu no ParlamentuNasional, uza uniforme semi militar, dada bandeira RDTL iha fat-fatin, halo krime hakanek polisia no hadaun sasan kroat nasaun nian no hakanek membru EOC hodi nunee estadu mos hola desizaun rigorus hodi tiru mate Mauk Moruk ho ninia elementu nain hat Mate no atsu ba atus mak rende hodi submete ba prosesu investigasaun. Hakarak lakohin estu sai ona sasoro, Mauk Mate ona, agora semak sai kulpado ba Mauk nia mate, dun malu, EOC nudar orgaun operasaun ka responsabilidade privadu’ ema nebe tiru mate Mauk ho ninia membru.*