Mauk Nia Mate, Taur Lori Sala Estadu Husu Dekulpa ba Povu

Deskulpa ba familia? Deskulpa ba povu?

RAILACO – Kazu Prezidente Konsellu Revolusionariu Maubere Paulino Gama nebe halo Membru nain 3 mate, inkliu membru Operasaun Konjunta nain 9 Kanek, Prezidente Republika Taur Matan Ruak hodi Estadu ninia naran hato deskulpa ba Familia Vitima sira.

Prezidente Republika Taur Matan Ruak hatete Problema Mauk ho nia membru, Prezidente Republika halo esforsu tomak atu la bele ran fakar, maibe akontense tiha ona tan nee todan nebe iha sala nee prezidente mos lori.

Hanesan Aman Nasaun nian, Presizdente hakarak husu Perdaun, husu deskulpa ba populasaun sira no ba familia sira hotu nebe lakon sira nia oan, balun kanek, balun mate, hanesan aman ba nasaun todan hau mak lori hotu,” dehan Taur liu husi Dialogu ho Povu Suku Matata, Tersa (11/08/2015) iha postu Administrativu Railaco, Ermera.

Taur hatete Prezidente husu Sidadaun sira kaer metin Paz  iha nasaun Timor Leste, tenki hatene kuda domin no paz iha rai laran, problema Mauk hanesan problema ikus ba Timor oan hodi fila kroat ba malu.

Iha fatin hanesan Xefi Suku Matata Gil Babo informa ba Prezidente Republika Taur Matan Ruak katak Situasaun iha Suku Matata lao hakmatek, tamba povu servisu hamutuk ho Polisia Nasional Timor Leste. Informasaun kompletu iha STL Jornal no STL Web, edisaun Kuarta (12/8/2015). Timotio Gusmao

Suara Timor Lorosae