Prostituta Estranjeiru Kontinua Ejiste Iha TL

DILI - Governu hapara prostituta Timor oan, hodi hamenus virus HIV/Sida iha Timor Leste (TL), maibe susar tamba prostituta Estranjeiru kontinua ejiste hodi habelar virus HIV nee iha Timor.

Lia hirak nee hatoo husi Intelektual Norberto de Fatima Cardozo, ba STL iha Universidade Dili (UNDIL), Tersa (25/08/2015).

Durante nee ami rona reatoriu sobre virus HIV/Sida husi Komisaun, katak virus ne kona ona ema 500 resin konpostu husi feto no mane e hakotu mos ema barak nia vida, tamba nee Governu foti dezisaun hodi hapara feto prostitua Timor oan, Governu kontinua foo oportunidade ba feto estranjeiru hodi halao vida prostitua, nee hatudu katak virus nee sei la lakon iha TL,” hateten Norberto.

Nia haklean tan katak Governu durante nee esforsu makas hari komisaun kombate HIV/Sida  hodi luta kontra virus HIV/Sida, depois hari mos uma mahon hodi tampung ema sira neebe terdeteksi virus nee, atu nune la bele hadait tan ba ema seluk.

Tuir informasaun neebe sira hetan iha terenu katak prostitua estranjeiru nee selu tasa ba estadu, neduni Governu husik sira livre halao prostitusaun.

Iha parte seluk Prostituta Estranjeiru sira hateten kleur ona mak sira halao vida prostitusaun iha Colmera, tamba sira fulan-fulan selu tasa ba Governu. Informasaun kompletu iha STL Jornal no STL Web, edisaun Kuarta (28/8/2015). Joao Anibal

Suara Timor Lorosae