Governu-Jornalista Realiza Natal Hamutuk ho Reflesaun

DILI - Sestu governu konstitusional liu husi Sekretariu Estadu Komonikasaun Sosial realiza natal hamutuk ho jornalista no institusaun media iha rai laran, hodi reflesaun hamutuk hodi simu kosok oan Jesus Kristu.

Iha seremonia natal hamutuk entre funsionariu Sekretariu Estadu Komonikasaun Sosial nee reprezentante kada Institusaun media hatoo sira nia aspirasaun durante tinan ida, no mos esperansa ba tinan foun 2016 neebe mak sei mai no halo reflesaun hamutuk neebe dirije husi Padre Nelson husi Deocese Maliana.

Liu husi Diskursu Prezidente Asosiasaun Jornalista Timor Leste David Hugo hatete Involvimentu ba kontribuisaun mak loke dalan ba jornalista jerasaun foun tamba kriasaun lei Komonikasaun Sosial mai husi SEKOMS.

Ita jornalista sira agora dadaun loke hela dalan na jornalista jerasaun foun sira neebe mak mai sira la preokupa ona lei tamba iha tiha ona lei neebe sei lao tuir,” dehan Hugo, iha Natal Hamutuk entre SEKOMS ho Jornalista sira iha Delta Nova, Segunda (21/12/2015).

Nia hatete lori AJTL nia naran neebe durante nee servisu hamutuk ho SEKOMS liu husi fundu transferensia ba iha asosiasaun ho formasaun ba jornalista sira, tan nee AJTL sei la hakiduk hodi tuku SEKOMS ninia odamatan kada tinan.

Iha fatin hanesan Sekretariu Jeral Timor Leste Press Club Jose Sarito hatete durante tinan ida TLPC agradese ba apoiu no formasaun neebe mak durante nee SOKMS halao ho Asosiasaun sira liu husi kapasitasaun. Informasaun kompletu iha STL Jornal no STL Web, edisaun Kuarta (23/12/2015). Timotio Gusmao

Suara Timor Lorosae