Kazu Emilia Sei Julga Fali Iha 2016

DILI - Tribunal Distrital Dili sei halao fali julgamentu ba kazu Emilia Pires no Madalena Hanjam iha 2016 hodi kontinua rona deklarasaun sasin husi parte defesa nian.

Juis Prosesu hatete, kontinuasaun julgamentu ba arguida Emilia no Madalena Hanjam sei halao fali iha loron 8 fulan Janeiru 2016 mai. Tanba arguida Emilia Pires halo viagem ba estrangeiru, neemak tribunal adia fali mai iha 2016, dehan juis presidenti Jose Maria de Araujo iha TDD.

Tuir orario iha loron 8 de Janeiru 2016 tuku 9:00 dader,  tribunal sei rona deklarasaun husi sasin neebe mak arola husi parte defesa mak eis Presidenti da Republika Jose Ramos Horta.

Audensia nee prezide husi juis kolektivu José Maria de Araújo, Francisca Cabral no Maria Solana Fernandes; Ministeriu Publiku maka Prokuradora Angelina Saldanha, Lidia Soares ho Jacinto Babo no arguida Madalena Hanjam hetan asistensia legal husi advogadu privadu José Guterres no arguida Emilia Pires hetan asistensia legal husi advogadu Pedro Camões. Informasaun kompletu iha STL Jornal no STL Web, edisaun Kuarta (23/12/2015). Domingas Gomes

Suara Timor Lorosae