Timor-Leste
hanesan nasaun ida ne'ebé investe liu iha edukasaun maibé iha pozisaun daruak
ba taxa ne'ebé ki'ik liu iha asesu ba Internet iha mundu, haktuir hosi
relatóriu ida hosi Programa ONU nian ba Dezenvolvimentu (UNDP).
Haoliang
Xu, diretór hosi Gabinete Rejionál hosi UNDP ba Ázia no Pasífiku, hatutan
katak, "hodi garanti katak forsa serbisu nian bele adapta ba mudansa
lalais sira, governu sira tenki halo investimentu estratéjiku iha edukasaun no
iha kuidadu sira ba saúde".
Timor-Leste,
ne'ebé iha pozisaun 133 hosi Índise ba Dezenvolvimentu Ema nian ho pontu 0,595,
hela iha dalan klaran: hanesan nasaun ida ne'ebé iha persentajen orsamentu
ki'ik ba área saúde nian (iha de'it 1,3%) maibé tama iha top 10 hosi nasaun
sira ne'ebé investe maka'as hosi PIB iha edukasaun (9,4%).
Maibé,
iha taxa ida hosi utilizadór sira Internet nian 1,1% de'it, tuir hosi Eritreia
1%, nune'e halo todan oituan ba nia favór, tanba asesu ba teknolojia sira hosi
informasaun no komunikasaun bele tulun ema sira hodi "dezenvolvie
kualifikasaun sira ne'ebé bele iha utilidade ba merkadu serbisu nian no hametin
oportunidade sira serbisu nian ho kualidade hodi hamenus dezigualdade",
hanesan hakerek iha komunikadu kona-bá situasaun iha Ázia-Pasífiku ne'ebé
akompaña divulgasaun hosi relatóriu ne'e.
"Tuir
norma, sira ne'ebé laiha ligasaun maka ema sira ne'ebé kiak no desfavoresidu
liu. Asesu ida ne'ebé maka'as ba teknolojia, liuhosi koperasaun Súl-Súl no
akordu sira seluk hosi transferénsia teknolojia nian, kombina ho kompeténsia
relasionadu sira, inkluzaun finanseiru ida ne'ebé di'ak no hamenus obstákulu
sira seluk, bele tulun rejiaun hodi tuir dalan sira ba dezenvolvimentu
sustentável nian", hatutan hosi nota imprensa nian.
Relatóriu
hosi UNDP destaka mós katak Timor-Leste, ne'ebé integra kategoria hosi médiu
dezenvolvimentu ema nian, hanesan nasaun daruak ne'ebé maka ema serbisu liu, ho
média ida ho 46,3 oras semana nian ba funsionáriu ida-idak, ho valór ida ne'ebé
halakon de'it hosi Emiradu Árabe Unidu ho oras 56,8.
SAPO
TL ho Lusa – Foto: EPA@ Paulo Novais
Sem comentários:
Enviar um comentário