DILI
– Too oras nee deputadu sira iha uma fukun Parlamentu Nasional (PN)
seidauk iha ajenda atu halo diskusaun hodi reve lei pensaun vitalisia, no iha
Fevereiru membru govenu no deputadu neebe mak kumpri ona servisu durante fulan
42 mos sei hetan pensaun vitalisia.
Tuir
Diretor Organijasaun Non Govermental Asosiasaun HAK, Manuel Monteiro, ba STL
iha nia servisu fatin Farol Kinta (21/01) hatete lei pensaun vitalisia hanesan
korupsaun legal no lei nee rasik seidauk diskute, tanba deputadu sira hakarak
asegura uluk pozisaun duke intrese povu nian.
Ami
konsidera pensaun vitalisia nee hanesan korupsaun legal neebe mak deputadu no
deputada sira lakohi muda tanba ho intensaun ida atu asegura uluk sira nia
pozisaun duke intrese povu nian tanba sira halo lei hodi proteze uluk sira nia
an no intrese laos atu proteze povu nia intrese. laos nee deit pensaun
vitalisia nee mos hamosu injustisa bot iha ita nia rai no ida tan mak sira
hatama sasan mai iha rai laran ka kona tasa nee labele,” dehan Manuel.
Nia
hatutan sasan nesesidade neebe mak folin sae makas iha rai laran nia impaktu
mak mai husi pensaun vitalisia, tanba nee hakarak ka lakohi tenke muda lei
pensaun vitalisia liu-liu ba ida neebe mak ho idade produtivu no nia mos husu
ba PN atu define lolos iha lei penssaun vitalisia, ema ho idade hira mak bele
simu pensaun vitalisia.
Iha
fatin hanesan Peskizador Luta Hamutuk, Elio Pereira Gimaraes, mos hatete membru
Parlamentu Nasional laiha ona autoridade moral atu kolia konaba korupsaun ho
rajaun PN rasik la hatudu komitmentu oinsa atu halo revijaun ba lein pensaun
vitalisia. Informasaun kompletu iha STL Jornal no STL Web, edisaun Sabado
(23/1/2016). Thomas Sanches
Suara
Timor Lorosae
Sem comentários:
Enviar um comentário