DILI
- Deskonfia redi Organizasaun ISIS tama iha Timor Leste, parte Polisia
Nasional Timor Leste (PNTL) Konsidera romoris, tamba nee sira husu ba povu
Timor Leste atu labele fiar maibe tenki fo fiar ba parte seguransa no defeza.
Tuir
Komandante Jeral Polisia Nasional Timor Leste Komisariu Julio Hornai katak
marka prezensa iha komisaun B Parlamentu Nasional, hodi esplika konaba
informasaun neebe espaila ISIS tama iha Timor Leste.
Informasaun
ISIS neebe tama iha Timor nee hanesan isu deit no informasaun lolos nee la iha,
ema mak hakarak halo isu mai iha ita nia rai, Ami halo konfirmasaun ba iha ita
nia parseiru sira no sira informa laiha,” dehan Julio ba Jornalista Sesta
(22/01/2016) iha Parlamentu Nasional.
Nia
hatete membru teroris sira neebe mak halo asaun krime iha Jakarta-Indonesia
sira kaptura hotu ona, tan nee issu neebe mak dehan ISIS ninia membru tama iha
Timor nee isu deit no laiha faktus.
Hatan
kona ba preparasaun simu Prezidente Republika Indonesia Joko Widodo, Julio
hatete Preparasaun lao diak, tamba parte seguransa no defeza lao hamutuk hodi
simu vizita Prezidente nian nunue buat hotu preparadu.
Iha
fatin hanesan Vice Prezidente Komisaun B PN Asuntu Seguransa, Defeza Nasional
no Negosiu Estranjeiru Duarte Nunes hatete Komisaun konvida komandate hodi rona
esplikasaun no preparasaun husi parte seguransa halo iha rai laran. Informasaun
kompletu iha STL Jornal no STL Web, edisaun Sabado (23/1/2016). Timotio
Gusmao
Suara
Timor Lorosae
Sem comentários:
Enviar um comentário