Kazu Sunu Uma Iha Lautem, PN Husu Tenki Investiga Klean

DILI - Kazu Sunu Uma rua iha suku Fuiloro, Postu Administrativu Lospalos Munisipiu Lautem, nebe akontese Segunda horseik, deskonfia asaltu malu entre Joven husi Aldeia Assalaino no Verupupuk, suku Fuiloru, tenki investiga klean hodi bele hetan fukun husi problema nee.

Tuir Vice Prezidente Komisaun B asuntu seguransa no Defeza Duarte Nunes katak Problema neebe mak mosu iha suku Fuiloro, tuir informasaun neebe mak nia simu ataka malu entre joven ho joven tamba jogu komunitariu maibe presiza investiga Klean.

Problema neebe mak mosu iha Suku fuiluro konsege suku uma rua tuir informasaun neebe mak iha katak joven ho joven mak ataka malu tamba deit joga komunitariu, kazu nee hau husu tenki investiga klean atu hetan problema ninia hun,” dehan Duarte ba STL Tersa (19/01/2016) iha PN.

Nia hatete problema neebe mak mosu dehan joven sira realiza jogo komonitaria, iha akontesementu nee konsege sunu uma rua, no ema nian 7 mak hetan kanek tuir informasuan neebe mak hetan husi baze.

Iha fatin hanesan deputada husi Munisipiu Lautem Albina Marcal hatete konforme Informasaun neebe mak iha maibe laiha evidensia no faktus katak grupu ida husi Assalaino suku fulirolo konsege sunu uma rua.

Nune mos deputadu Cesar Valente hatete akontesementu neebe mak iha parte neebe sosializa lei ba sidadaun sira prosesu rejolve konflitu, kuandu mosu tamba iha diresaun neebe fo atensaun liu ba iha prevensaun konflitu komonitaria. Informasaun kompletu iha STL Jornal no STL Web, edisaun Kuarta (20/1/2016). Timotio Gusmao

Suara Timor Lorosae