Konkursu Luzófonu hosi Trofa sei abranje nasaun hotu ho lian ofisiál portugés

Konkursu Luzófonu hosi Trofa iha tinan ida ne’e sei abranje nasaun tomak ho lian ofisiál portugés, hatete hosi kámara lokál ne’ebé maka organiza inisiativa ne’e ho apoiu hosi Institutu Camões.

iu hosi konkursu ida ne’e edita ona kontu inéditu sira, refere hosi autarkia Trofa nian, iha distritu Porto, nia realsa katak objetivu hosi inisiativa ne'e maka "defende no hametin lian portugés hanesan espresaun universál iha ita nia kultura no motiva produsaun literáriu".

Portugál, Angola, Brazil, Mosambike, Kabuverde, São Tomé & Prínsipe, Giné-Bisau no Timór hanesan nasaun sira ne’ebé halo parte iha "konkursu literáriu internasionál ne’ebé aposta iha promosaun no proteje literatura infantujuvenil no kultura luzófona", hakerek iha nota ne’ebé fó sai hosi kámara.

Obra sira ba konkursu ne’e tenki haruka, ho naran kódigu, to’o iha finál fulan-Maiu.

Iha Portugál, ema sira ne'ebé hakarak tuir haruka proposta liuhosi Koreiu ka hato'o rasik iha Casa da Cultura hosi Trofa.

Iha nasaun sira seluk fatin, nia fatin rekolla maka hanesan: Sentru Kulturál Portugés iha Luanda (Angola), Sentru Kulturál Portugés iha Brazília (Brazil), Sentru Kulturál Portugés iha Praia (Kabuverde), Sentru Kulturál Portugés iha Bissau (Giné-Bisau), Sentru Kulturál Portugés iha Maputu (Mosambike), Sentru Kulturál Portugés iha São Tomé (São Tomé & Príncipe) no Sentru Kulturál Portugés iha Díli (Timór).

Fó hatene katak Konkursu Luzófonu hosi Trofa - Kontu Infantil - Prémiu Matilde Rosa Araújo nia prémiu maka osan ho folin euro 2.000 ba Kontu ne’ebé di’ak liu.

Iha mós Prémiu Luzofonia, ho folin euro 750, ba Kontu di’ak liu, ne’ebé sei halo selesaun maka nasaun sira ne’ebé la halo parte iha prémiu Matilde Rosa Araújo no Prémiu Ilustrasaun, ho folin euro 1.250.

Ilustradór sira bele konkore ho ilustrasaun subordinada rua, tenki ho exertu ida ne'ebé autór rasik hili, hosi obra Matilde Rosa Araújo nian no vensedór hosi Prémiu "Ilustrasaun Di'ak Liu" maka sei pinta kontu vensedór hosi Prémiu "Matilde Rosa Araújo".

Autarkia informa mós katak sei júri sei fó valór ba kriatividade no inovasaun, kualidade literáriu, organizasaun, koerénsia no koeszaun iha testu no obediénsia ba karakterístika sira hosi jéneru relasionadu.

Vensedór sira sei fó sai iha komemorasaun sira ba Aniversáru Munisípiu nian, iha fulan-Novembru.

SAPO TL ho Lusa