Estadus
Unidus, Koreia-Súl, Fransa, Japaun no mós Xina ne'ebé hanesan aliadu prinsipál
Pyongyang nian, hanesan nasaun sira ne'ebé la konkorda ho teste nukleár.
Koreia-Norte
tenki hakotu programa hosi arma nukleár sira. Ezijénsia ne'e halo iha
loron-kuarta ne'e hosi sekretáriu-jerál NATO nian.
Iha
deklarasaun badak ne'ebé fó sai iha Bruxelas, Jens Stoltenberg konsidera ona
katak "teste sira ho arma nukleár sira ne'ebé fó sai hosi Koreia-Norte
doko seguransa rejionál no internasionál", apela ona ba autoridade sira hosi
Pyongyang hodi respeita maka'as "obrigasaun no kompromisu internasionál
sira".
Sekretáriu-jerál
hosi NATO defende ona katak "Koreia-Norte tenki husi arma nukleár sira no
nia programa nukleár sira no mísil balístiku sira ho dalan verifikável no
ireversível, dedika iha negosiasaun kredivel no auténtiku sira ba
desnuklearizasaun nian".
Iha
loron-kuarta ne'e, Koreia-Norte fó sai ona katak nia hala'o ho susesu teste
nukleár dahuluk hidrojéniu nian, hanesan hakar importante ida iha
dezenvolvimentu hosi nia programa. "Teste dahuluk hosi bomba hidrojéniu
Repúblika nian hala'o ona ho susesu iha tuku 10h00 (oras lokál) iha loron 06
Janeiru 2016, metin iha determinasaun estratéjiku hosi Partidu Traballadór sira
nian", fó sai hosi televizaun estatál norte-koreanu nian.
Hodi
justifika teste ne'e, Pyongyang reklama direitu legál hodi halo teste ne'e hodi
proteje nasaun hosi Estadus Unidus.
Iha
zona ida ne'ebé utiliza hosi rejimi norte-koreanu hodi hala'o ensaiu sira ho
arma atómiku sira rejista ona rai-nakdoko ida ho 5,1 grau iha eskala Richter.
Komunidade
internasional kondena maka'as hahalok ne'e. Estadus Unidus, Koreia-Súl, Fransa,
Japaun no mós Xina ne'ebé hanesan aliadu prinsipál Pyongyang nian, hanesan
nasaun sira ne'ebé la konkorda ho teste nukleár.
SAPO
TL ho Renascença – Foto: Sekretáriu-jerál NATO nian, Jens Stoltenberg. EPA@
Julien Warnand
Sem comentários:
Enviar um comentário