Problema Edukasaun, Taur Bolu ME Antonio

DILI - Presidente Republika Taur Matan Ruak bolu Ministru Estadu Koordenador Assuntos Sociais Ministru Edukasaun, Antonio da Conceicao ba iha Palasiu Presidente Republika Nicolau Lobato, hodi koalia Edukasaun neebe mak lao iha rai laran.

Ministru Estadu Koordenador Assuntos Sociais Ministru Edukasaun, Antonio da Conceicao hatete, Presidente Republika bolu Ministru Edukasaun atu fo hanoin konaba problema Edukasaun iha Timor laran tomak, preokupasaun Presidente Republika konaba future nasaun neebe maka rekursu umanus nee factor determinante, atu bele nafatin asegura kontinuadade nasaun, iha aban bain rua.

Presidente RepublikaTaur Matan Ruak bolu hau mai iha nee, hodi fo nia hanoin konaba problema Edukasaun iha Timor laran tomak, liu-liu konaba futuru nasaun neebe maka rekursu umanus nee factor determinante atu bele nafatin asegura kontinuadade nasaun, aban bain rua nian,” dehan ME Antonio, bainhira remata enkontru ho Presidente Republika Taur Matan Ruak, iha Palasiu Presidente Republika Nicolau Lobato, Sesta (15/01/2016).

Nia hatete, Presidente Republika Taur Matan Ruak mos husu atu sira tenke nafatin fo importansia dedikasaun ba iha servisu, atu nunee sira bele halo melor planiamentu determinasan de prioridades.

Alende nee PR Taur husu ME nafatin tenke tau matan atu hare mos ba kualidade Edukasaun, liu-liu preparasaun ba profesores ba aban bainrua, neebe maka nesesidade profesores nee makas teb tebes.

Iha parte seluk Prezidente Komisaun F, trata asuntu Saude no Edukasaun Virgilo Hornai hatete, iha nasaun hotu dezmvolvidu sira nee tanba sira tau nafatin matan ba edukasaun, se la konsidera ba edukasaun nia preoridade nee ba los neebe, tanba edukasaun nia formandu diak nebe mak bele sustenta nasaun ba oin. Informasaun kompletu iha STL Jornal no STL Web, edisaun Sabado (16/1/2016). Carme Ximenes

Suara Timor Lorosae