Ministru
Planeamentu Investimentu Estratejiku Kay Rala Xanana Gusmão, hatete katak,
Governu sei kria sistema hodi fo kreditu orsamentu ba setor privadu nasional
sira hodi dudu sira nia negosiu.
“Buat
ida haluha bebeik hanesan todan ida ba Governu maka seidauk kria sistema
kreditu ne’ebe diak ba setor privadu presiza teb-tebes. Investimentu ne’ebe
tinan ida ne’e Governu tenki deside oinsa maka setor privadu nasional bele
hetan apoiu kreditu atu nune’e sira bele dudu a’an involve a’an iha
negosiu,”esplika Xanana Gusmão, liu husi diskursu iha Bidau Mota klaran,
bainhira partisipa iha serimonia inagurasaun Mahanaim Garmen Manufacturing
(MGM) Sabadu (16/01).
Xanana
Gusmão rasik rekonhese problema bo’ot iha Timor Leste maka dezempregu.
“Ema
barak hanoin katak, dezempregu so bele hatun bainhira Governu rekruta tan
Polisia ho Falintil Forsa Defesa Timor Leste (F-FDTL) no rekruta
Funsionario Publiku, mas iha mundu hot-hotu laos hanesan ne’e, so
setor privadu,”dehan Xanana.
Tanba
ne’e Xanana dehan, ba oin presiza kria kondisoens ba setor privadu sira atu
sira book an.
“Bainhira
ita koalia dezenvolvimentu Governu tenki iha kondisoins no setor privadu maka
hala’o nia aktividade hanesan ekonomia, industriais. Tanba ne’e ha’u fo
parabens ba Camara Comersiu Industria Timor Leste (CCI-TL), ita hahú neneik
ona, maibe tenki kontinua nafatin,”tenik Xanana tan. Avi
Jornal
Nacional
Sem comentários:
Enviar um comentário