Ministru
Negósiu Estranjeiru, Augusto Santos Silva, afirma ohin katak antigu
primeiru-ministru sosialista António Guterres "prienxe kritériu hotu"
hosi Nasoins Unidas ba kargu sekretáriu-jerál, ne’ebé Governu sei entrega
kandidatura "iha tempu loloos".
Iha
audisaun ida iha komisaun parlamentár Negósiu Estranjeiru no Komunidade nian,
xefe diplomasia portugeza afirma katak, iha karta ne’ebé haruka ba membru hotu
Organizasaun Nasoins Unidas nian ne’ebé konvida atu aprezenta kandidatura,
"la hakerek regra ruma ne’ebé dehan sekretáriu-jerál Nasoins Unidas nian
tuir mai ne’e tenke feto ida ne’ebé mai hosi Europa Leste".
Deputadu sosialista Paulo Pisco husu ba ministro ne’e kona-ba kandidatura Guterres nian ba kargu ne’e, bainhira ko’alia kona-ba susesór Ban Ki-moon nian tenke feto ida hosi Europa Leste.
"Karik hakerek nune’e, klaru katak la iha sentidu aprezenta kandidatura", realsa Santos Silva.
Maibé, nia salienta katak António Guterres kumpre rekizitu hotu hosi Nasoins Unidas, liu-liu "esperiénsia polítika, ligasaun ho valór sira no prinsípiu sira Nasoins Unidas nian, kompeténsia multilinguístika, esperiénsia diplomátika no diversidade rejionál".
Santos Silva destaka katak Mundu ohin loron nian ne’e "ezijente tebes" ne’ebé "ezije ema exelente".
"Ohin loron ne’e ezijente tebes, iha ne’ebé kestaun umanitária, dame, dezenvolvimentu, koperasun ba dezenvolvimentu, refujiadu nian no dezloka obrigatóriu ezije maka’as fundamentu hosi Nasoins Unidas, [ami hanoin] tempu ne’e ezije ema exelente. No, tuir ami-nia haree, ema ne’e mak enjeñeiru António Guterres, no tanba ne’e mak ami propoin nia kandidatura", nia afirma.
Kona-ba prosesu kandidatura, xefe diplomasia esplika katak Governu mak propoin, liuhosi resposta, ne’ebé sei haruka "iha tempu loloos", ba karta ne’ebé dirije ba Portugál, no mós ba nasaun membru hotu Nasoins Unidas nian, hosi prezidente Asembleia Jerál no hosi prezidente Konsellu Seguransa ONU nian.
"Rejistu ne’e sein surpreza, maibé ho onra boot, katak [kandidatura ne’e] hamosu apoiu unánime hosi órgaun soberania no partidu sira-nian", nia afirma.
SAPO TL ho Lusa
Deputadu sosialista Paulo Pisco husu ba ministro ne’e kona-ba kandidatura Guterres nian ba kargu ne’e, bainhira ko’alia kona-ba susesór Ban Ki-moon nian tenke feto ida hosi Europa Leste.
"Karik hakerek nune’e, klaru katak la iha sentidu aprezenta kandidatura", realsa Santos Silva.
Maibé, nia salienta katak António Guterres kumpre rekizitu hotu hosi Nasoins Unidas, liu-liu "esperiénsia polítika, ligasaun ho valór sira no prinsípiu sira Nasoins Unidas nian, kompeténsia multilinguístika, esperiénsia diplomátika no diversidade rejionál".
Santos Silva destaka katak Mundu ohin loron nian ne’e "ezijente tebes" ne’ebé "ezije ema exelente".
"Ohin loron ne’e ezijente tebes, iha ne’ebé kestaun umanitária, dame, dezenvolvimentu, koperasun ba dezenvolvimentu, refujiadu nian no dezloka obrigatóriu ezije maka’as fundamentu hosi Nasoins Unidas, [ami hanoin] tempu ne’e ezije ema exelente. No, tuir ami-nia haree, ema ne’e mak enjeñeiru António Guterres, no tanba ne’e mak ami propoin nia kandidatura", nia afirma.
Kona-ba prosesu kandidatura, xefe diplomasia esplika katak Governu mak propoin, liuhosi resposta, ne’ebé sei haruka "iha tempu loloos", ba karta ne’ebé dirije ba Portugál, no mós ba nasaun membru hotu Nasoins Unidas nian, hosi prezidente Asembleia Jerál no hosi prezidente Konsellu Seguransa ONU nian.
"Rejistu ne’e sein surpreza, maibé ho onra boot, katak [kandidatura ne’e] hamosu apoiu unánime hosi órgaun soberania no partidu sira-nian", nia afirma.
SAPO TL ho Lusa
Sem comentários:
Enviar um comentário