Eis-ministra
justisa timoroan nian, Lúcia Lobato, kondenadu iha 2012 tanba partisipasaun iha
negósiu, hatete ohin ba Lusa katak sei estuda hipóteze hodi avansa ho prosesu
judisiál ida hasoru juís portugés na'in rua ne'ebé bele prejudika nia kazu.
Jornál
Expresso fó sai iha loron-sábadu katak Supremu Tribunál Justisa (STJ) portugés
anula ona kastigu ba loron 40 suspensaun nian ne'ebé Konsellu Superiór
Majistratura (CSM) aplika ba juíza Margarida Veloso, antiga inspetora judisiál
ida iha Timor ne'ebé fó sai ona no akuza ona kolega portugés na'in rua tanba
manipula no influensia prosesu judisiál ne'ebé halo kondenasaun Lúcia Lobato
nian.
"Margarida
Veloso fó sai ona faktu integrante sira hosi ilegalidade todan no iregularidade
sira iha prosedimentu sira ne'ebé iha mínimu sai hanesan kazu ba prejuízu todan
ba arguida Lúcia Lobato", refere hosi rezolusaun hosi konselleitu Oliveira
Mendes ne'ebé fó sai hosi Expresso no refere ba atuasaun hosi Rui Penha no Cid
Geraldo, juís na'in rua ne'ebé kolokadu iha Timór no hanesan motivu prinsipál
hosi denúnsia juíza nian.
Margarida
Veloso hetan kastigu ba suspensaun tanba halo kesar ba CSM katak juís sira
ne'ebé mantén kondenasaun ba eis-ministra timoroan la izentu, haktuir hosi
email ida ne'ebé juís ida kongratula ho desizaun ne'e.
Lúcia
Lobato hetan kondenasaun iha tinan 2012 ba kadeia tinan lima tanba partisipaun
ekonómiku iha negósiu hodi hamosu prejuízu ba Estadu timoroan ho folin dolár
4.200, no simu perdaun iha loron 30 Agostu 2014 hosi Prezidente timoroan Taur Matan
Ruak.
Tribunál
Rekursu la hatán pedidu ida "habeas corpus" (libertasaun lalais).
"Ha'u
simu notísia ne'e maibé ha'u la hein katak rezolusaun hosi STJ hodi analiza
di'ak ho ha'u nia advogadu sira. Ha'u sei estuda posibilidade hodi avansa hi
prosesu sira hasoru juís sira", hatete hosi Lúcia Lobato ba Lusa.
"Tribunál
Supremu portugés la ko'alia kona-bá faktu sira ne'e maibé konfirma ona katak
ha'u nia prosesu hanesan sala, katak juís sira la aplika lei ho di'ak. Ne'e
hanesan faktu atu ha'u bele konsidera hanesan sériu", nia afirma ona.
Lúcia
Lobato konsidera katak desizaun hosi STJ portugés konfirma saida maka sempre
hatete beibeik: "ha'u la hetan julgamentu hosi majistradu sira, ha'u nia
julgamentu halo hosi mafiozu sira no hanesan timoroan ha'u la admiti no ha'u
sei la admiti ne'e".
"Justisa
tenki halo hosi juís sira ho kapasidade no izensaun. Ha'u hakarak husu de'it
justisa no tribunál julga no ko'alia no karik iha ema ne'ebé kulpadu tenki simu
kondenasaun", nia afirma ona.
Lobato
konsidera katak desizaun hosi STJ la halo nia hakfodak no konfirma duni nia
hanoin katak nia prosesu "la hetan diresaun di'ak", nia afirma fali
konviksaun ba nia inosénsia.
"Ha'u
la komete krimi ida no ha'u simu ona kondenasaun ne'e. No bainhira ha'u simu
denúnsia hosi juíza Margarida Veloso ami halo kesar ida hasoru juís portugés
na'in rua ne'e, juiza timoroan Natércia Gusmão no juís Luis Goia, maibé kesar
ne'e arkivu lalais tebes. Iha de'it semana rua nia laran, rekord ida ba
Timór", nia afirma.
"rekursu
ne'ebé ha'u halo kona-bá arkivumante ne'e ba Prokuradór-Jerál Repúblika, iha
2013, seidauk iha resposta ida", nia hatete.
Iha
kesar ne'ebé nia aprezenta ba CSM iha Fevereiru 2013, Margarida Veloso
konsidera katak desizaun sira kona-bá proseu ne'e "hatudu sala jurídiku
sensível sira hodi ataka Justisa no ba sistema judisiál tomak".
Eis-inspetora
relata katak, hafoin desizaun kona-bá pedidu libertasaun lalais (habeas
corpus), nia simu email ida hosi Rui Penha, ne'ebé konjuga go desizaun sira
ne'ebé foti iha kazu Lúcia Lobato nian, halo nia konklui katak
"independénsia hosi trbiunál sira" iha Timor-Leste "tenki hanoin
ho di'ak".
Margarida
Veloso alerta ona iha nia kesar ne'e katak, tanba hatene faktu sira ne'ebé
refere iha email, juís internasionál ida hosi kazu (ne'ebé indentifika mós iha
denúnsia) desidi ona desfavór ba antiga ministra tanba tauk la hetan renovasaun
ba nia kontratu.
Tuir
faktu relatadu sira, ameasa atu la renova kontratu mai hosi majistradu timoroan
ida Natércia Gusmão (atuál prezidente ne'ebé kaer daudaun knaar iha Tribunál
Supremu), bainhira nia desidi favór ba libertasaun Lúcia Lobato nian liuhosi
aseitasaun pedidu "habeas corpus" nian.
"Di'ak
liu subliña katak gravidade hosi faktu sira la hanesan ho kazu konkretu, no
liuliu tanba arguida hanesan figura destakadu ida hosi governu anteriór
Timor-Leste nian, maibé tanba kompromete ho dalan fatál ba sistema judisiál
tomak, liuliu iha nasaun ida ne'ebé sistema justisa iha faze elementár no
konsolidasaun nian", refere hosi karta ne'ebé haruka ba CMS ne'ebé Lusa
iha asesu iha tempu ne'ebá.
SAPO
TL ho Lusa
Sem comentários:
Enviar um comentário