Justisa Iha TL Fraku, Koruptor Sira Livre

DILI - sistema Justisa iha Timor Leste (TL), too agora sei fraku, tamba nee autor ba korrupsaun no droga, neebe komete husi ukun nain sira sei kontinua livre.

Lia hirak nee hatoo husi Observador Justica Juvito de Sousa Cardozo, ba STL iha nia knar fatin Bebora, Dili, Kuarta (10/02/2016).

Ami konsidera Justisa iha Timro sei fraku, tamba Tribunal fo ona justisa no akuzasaun ba ukun nian sira neebe deskonfia komete korupsaun hanesan eis Ministru Eduksaun Joao Cansio, Sekertariu Estadu Fortalesementu Fransisco Borulaco, Prezidente Parlamentu Nasional Vicente Guterres, Eis Ministra Finansas Emilia Pires, Eis Vice Ministra Madalena Hansam inklui mos sira neebe komete droga hanesan Eis Komandante Polisia Invistigasaun Calestro Gonsaga, maibe too agora sira kontinua livre, maibe ba povu kiik oan halo sala ohin ba kedas kadeia, lei nee berlaku deit ba ema kiik sira, maibe ba ema lider sira la iha lei ba sira,” hateten Juvito.

Nia haktuir tan katak ukun nain sira agora kontra lei, tamba orgaun soberanu 4 iha estadu ida nia okos hanesan Prezidente, Parlamentu, Governu inklui Tribunal, sira servisu la hamutuk, tamba interse politiku ida-ida nian, tamba nee kontinua hakiak koruptor sira susar atu sulan koruptor sira.

Iha parte seluk Eis Kombatenti da Libertasaun Nasional Agapito dos Reis hateten TL iha lei ba kualker sidadaun, maibe iha TL oin  seluk, kestaun politika maka aas liu fali lei, neduni ukun nain maka agora regula lei.

Nia salenta liu tan katak dala barak sira akompania ukun nain sira nia lalaok, sira aprova orsamentu estadu ba sira nia interese, tamba sira hare estudante Timor oan hakilar bebeik konaba lei pensaun vitalisia, maibe sira nia tilun diuk, matan delek halo finse la hatene no la rona, neduni lei nee too agora seidauk reve fila fali. Informasaun kompletu iha STL Jornal no STL Web, edisaun Kinta (11/2/2016).  Joao Anibal

Suara Timor Lorosae