Importasaun Ilegal se nia kulpa..?!

Jornal Nacional, editorial

Sasan importasaun ilegal sira nebe destinadu mai ilha Crododilu nee laos foin primeira ves akontese maibe wain tebes ona no sai ona fenomena iha rai doben ida nee.

Sasan sira tama ilega mai timor nee sai fenomena ida ona tamba karik sei lembra iha tina hirak kotuk ba nee sasan sira asves alfandega la identifika iha fronteria, maibe polisia bele kaptura iha Liquica.

Asves ita hatene an katak ita nia nasaun nee sei foun, la signifika laiha liu sistema kontrolu atu detekta sasan sira, maske rekuinese frajilidade maibe iha sistema nebe estabilsidu atu kontrola produtus exportasaun no importasaun.

Sasan sira nebe tama sai Timor Leste nee lamonu mai husi lalehan no mos lasemo sai mesak ba lelehan monu tama ba nasaun nebe ita hakarak, lae, tama tuir dalan entreda, Portu, Aeroportu no mos liu husi odamatan fronteira rai maran nian.

Sistema kontrolu iha Portu, aeroportu no iha freonteira rai maran nian nee regorozu tebes, funsionariu alfandega sira iha ekipamentu adekuadu maibe tamba sa sasan sira nee kontinua tama ilegal, pior liu tan sasan ida nain la klaru no mai husi nasaun nebe lahatene, komik oituan maibe nee mak realidade.

Ezemplu simplis, kurir Narkotika nebe servisu ho rede nebe difisil tebes atu identifika nee deit polisia sei identifika hodi kaptura, sa tan sasan barak ho kontentor, alfandega labele indetifika.

Agora Serveza ilegál, marka crocodile beer kontentór 5 tama ona iha Timor Leste (TL) liu husi portu Dili, desde fulan Dezembru 2015 liu ba nebe foin mak identifika tama ilegal mai timor nee se nia responsabilidade?, Alfandega ka polisia?

Lalika soe responsabilidade ba malu, lalika fo kulpa ba malu, ida idak hatene an deit ona, Beer kontentor lima nee laos oituan, la fasil tama ilegalmente.

Agora oinsa konsege sai husi Portu Dili too iha armajen depois foin mak detekta nee mak presiza investigasaun profundu.

Alfandega la kosege indetifika sasan Kontentor lima la lojika ona. Iha buat balu haksumik hela iha prosesu tama no sai husi Portu Dili too armajen.

Atu idetifika autor con kali con sira nee presiza investigasaun, tamba aktu sira hanesan nee tenki kombate, labele premite tan ona. Klaru empresa exportador la servisu mesak, sempre deal ho ema importante balu iha rai laran tan nee fiar an hatama sasan maibe konsege duni.

Agora kompete ba autoridade polisial atu bele halo investigasaun hodi bele indetifika rede mafioso sira hodi viola lei no regulamentu sira nebe vigora iha Timor Leste nee. *