Prende osan-mean hosi ró ne’ebé mout iha Salomaun durante II Guerra Mundiál

Polísia hosi illa Salomaun, Pasífika Sul prende ona karegamentu ne’ebé deskunfia osan-mean, pertense ba ró ne’ebé mout durante II Guerra Mundiál, iha atól Ontong Java, tuir saida maka meiu komunikasaun sosiál sira fó sai ohin. 

Iha ró ne’e tula ona lingote atus ida resin ne’ebé autoridade fi’ar katak osan mean no metal seluk, hodi lori ba rai iha sira-ninia kofre, hosi Banco Central Illa Salomaun nian, tuir Radio New Zealand fó sai. 

Tuir fonte seguransa ne’ebé halo operasaun iha sesta-feira liu ba, haktuir na Salomon Business katak karegamentu ne’e sira hetan hosi ró ne’ebé halo viajen besik ba atol Ontong Java.

Iha 2013, imprensa lokál fó sai katak Governu hosi Illa Salomaun halo preparasaun ikus hodi foti karegamentu ho lingote osan mean nian ida ne’ebé bele to’o dolár milloens 1.500 (tuir kámbiu atuál euro milloens 1.400), iha duni tasi okos ne’ebé haketak Guadalcanal e Malaita.

SAPO TL ho Lusa – Foto henrique_ser