US$ 3.6 MILHOENS SOSA FOS TONELADAS 9.000

Ministeriu Comersiu Industria no Ambiente (MCIA) gasta osan U$ 3.640.500 milhoens hodi sosa fos toneladas 9000 husi nasaun Vietnam hodi atende nesesidade povu inklui halo intervensaun ba merkadu.

Administrador Sentru Logistika Nasional (SLN) Nivio Magalhaes hatete, fos ne’ebe MCIA sosa husi Vietnam ne’e oras ne’e dadaun iha dalan hela nia espera iha tempu badak sei to iha portu dili no halo kedas deskaregamentu.

‘’Fos refere ne’ebe maka ita sosa ne’e sei uja ba iha intervensaun merkadu no rai iha armajem bainhira iha dezastre naturais ruma Governu bele atende ho lalais,’’ dehan Nivio ba jornalista sira iha MCIA Fomento, Sesta (04/03/3016).

Nia sublina katak, fos ne’e mos MCIA sei fan no distribui ba iha kada munispiu sira ne’ebe maka mensiona iha nasaun ida ne’e no sei fan fos ne’e ho nia folin baratu no mos sei oferese fos ne’e ba iha merkadu, maibe MCIA sei bele atende hodi fo mos apoiu ba merenda eskolar sira kada Munispiu I mos sei fos ne’e mos sei sai rezerva nasional Timor oan sira liu liu ba pivu kbit laek sira nia nesesidade i orsamentu ne’ebe MCIA hasai ne’e mai husi MCIA nian rasik no Orsamentu Ejekusaun 2015 ninian.

‘’Tuir lolos MCIA sei hola fos ne’e ho montante U$ 7 mil, maibe MCIA redus orsamentu ne’e balun, osan balu uja ba neseidade hodi atende tan povu nia nesesidade entaun MCIA deside hodi orsamentu ho montante U$ 3.640.500.00 mak hola deit fos husi Vietnam.

MCIA mos laos deit hola fos husi Vietnam ne’e mai Timor Leste, maibe MCIA rasik mos prepara ona fos balun iha armajen atu bele distribui ba municipiu sira no mos ba emprejariu sra ne’ebe maka hakarak fan fos ho folin ne’ebe maka baratu. nia

Jornal Nacional