Fundasaun
Alola estabelese 138 sentru alternative pre –eskolar iha munisipio Viqueque no
Ermera, ho intensaun atu fo oportunidade ba labarik (3-5 anos) iha area rural
bele asesu ba edukasaun sedu.
Jerente
Programa Edukasaun Fundasaun Alola (FA), Emma de Sousa, hateten durante ne’e
pre-eskolar seidauk eziste iha area rurais.
“Ita
haree pre-eskolar iha area rural la eziste, entaun labarik sira hein to’o tinan
6 -7 mak ba eskola iha ensino baziku,” Emma hateten, iha nia knar fatin,
Mascarenhas, Dili.
Nia
hateten, sentru alternative ne’e estabelese iha area rural iha munisipio rua
(Ermera no Viqueque) ne’ebe pre-eskolar la eziste, tanba edukasaun sedu ba
labarik importante tebes,prepara sira ba ensino baziku.
Iha
ne’e, nia hateten fasilitador sira sei uza kurikulum nasional pre-eskolar
ne’ebe Ministerio Edukasaun prepara hodi hanorin labarik sira, ne’ebe laiha
diferensia ho edukasaun formal.
Oras
ne’e dadaun, nia informa, labarik 200 resin mak tuir hela prosesu aprendizajen
iha sentru alternative ne’e.
Alende
ne’e, nia hatutan, Alola kontinua fo kapasitasaun ba jestor (nomeia husi
komunidade) husi sentru 138 kona ba jestaun, nune’e sira bele dezenvolve
prosesu aprendizajen iha eskola ne’e ho diak liu tan.
Entretantu
Diretor Edukasaun munisipio Viqueque, Emilio Amaral, hateten prezensa sentru
ne’e importante tebes atu fo oportunidade ba labarik sira asesu edukasaun
sedu.
“Ami
iha kooperasaun diak ho Fundasaun Alola e agora dadaun fo hela formasaun ba
jestor eskolar sira,” nia hateten.
Iha
munisipio Viqueque rasik, nia hateten, iha sentru pre-eskolar kuaze 100 ne’ebe
estabelese iha postu administrative Ossu no Uato-Lari.
The
Dili Weekly
Sem comentários:
Enviar um comentário