PN Halo Deskusaun Lei Rai

DILI - Reprezentante povu iha Uma Fukun Parlamentu Nasional (PN), halo deskusaun ba proposta lei rai, lei fundu kriasaun de fundu expropriasaun no lei ordenamentu de territoriu, iha parte jeneralidade.

Iha deskusaun neebe maka halo iha sala plenaria Parlamentu Nasional, Tersa (21/06/2016) nee, marka mos prezensa husi Ministru Planeamentu Investimentu Estratejiku Kay Rala Xanana Gusmao, Ministru Obras Publika Transporte e Komunikasaun Gastao de Sousa no Sekertariu Estadu das Terras e Propriadades Jaime Xavier Lopes.

Ministru Planeamentu Investimentu Estratejiku Kay Rala Xanana Gusmao too iha Parlamentu Naional tuku 10:00 OTL, no simu ho kanta parabens, hafoin nee deputadu sira ba kaer liman ho Ministru du Planeamentu Investimentu Estratejiku Kay Rala Xanana Gusmao.

Vise Presidente Komisaaun A neebe tarat asuntu Konstituisaun, Justisa, Administrasaun, Poder Lokal, e Anti Korupsaun deputadu Arao Noe hateten, ejijensia publika ejije mos husi Governu katak pakote lei tolu nee importante, tanba nee maka komisaun fo prioridade durante semana rua audensia I prepara relatoriu agora aprezenta relatoriu  submete mai iha plenaria para atu aprova iha jeneralidade.

Konaba lei rai iha submisaun ida katak, atu introdus fila fali, mais ami estuda ba mai katak, kapitlu oitu konaba as propriasaun, mais asuntu ida ke importante ita tenke hare propriasaun nee ita tenke halo estudu ida klean, tanba nee ami konkorda ho parte Governu katak regula ho lei rasik ,” dehan deputadu Arao ba jornalista sira iha PN, Dili, Tersa (21/ 06/2016).

Iha fatin hanesan membru komisaun A, deputadu Paulo Moniz Maia dehan, lei pakote tolu nee hatama hamutuk ona iha komisaun A deskuti tiha ona, ohin hatoo relatoriu pareser ba iha plenaria, atu bele hetan aprovasaun iha jeneralidade, depois aprovasaun tiha meja PN baixa ba komisaun A, atu deskuti iha espesialijade. Informasaun kompletu iha STL Jornal no STL Web, edisaun Kuarta (22/6/2016). Carme Ximenes

Suara Timor Lorosae