PR Taur-Conoco Phillips Enkontru Subar Informasaun

DILI - Prezidente Republika (PR) Taur Matan Ruak ho Kompana Internasional Conoco Phillips, halao enkontru iha Palasiu Prezidensial, maibe sira subar informasaun ba publiku relasiona ho sira nia enkontru nee.

Tuir azenda neebe fo sai husi Media Gabinete Prezidente Republika katak tersa feira 21 de junu 2016, tuku 9:00, enkontru Prezidente Republika Taur Matan Ruak ho Prezidente Conoco Phillips, akompania husi Jose Lobato, iha Palasiu Prezidensial.

Prezidente Taur enkontru ho Prezidente Conoco Phillips, jornalista nasional hein besik oras ida, hodi konfirma konba objetivu sira enkontru nee, maibe wainhira remata enkontru jornalista sira tenta atu intervista Prezidente Conoco Phillips, maibe sira foti liman hamnasa deit ho jornalista sira, depois sira hakat ba liur sae kareta ba dadaun.

Tamba nee sira subar informasaun ba publiku, tamba iha tinan kotuk liu ba Kompana Internasinal Conoco Philips nee, lori TL ba Tribunal relasional tasa mina nia, tamba nee sira hasoru malu ho Prezidente, maibe sira la kohi fo sai ba publiku.

Tuir Dosente UNDIL Albino de Jesus hateten jornalista agora eziste hotu iha Timor laran, tamba publiku hakarak akompaina situasaun no informasaun nasaun nia liu husi jornalista sira. Informasaun kompletu iha STL Jornal no STL Web, edisaun Kuarta (22/6/2016). Joao Anibal

Suara Timor Lorosae