Konfrontu
entre grupu rivál joven sira iha fatin oioin iha kapitál timoroan, inklui ida
ne’ebé iha ligasaun ho grupu arte marsiál sira, no aumenta beibeik iha fulan
hirak ikus ne’e, kauza preokupasaun no ezije prekausaun adisionál, tuir Nasoins
Unidas.
Situasaun
ne’ebé sai grave tanba kazu oioin (pelumenus dezena ida horikedas inísiu tinan
ne’e), atake ho Rama Ambon (fisga ne’ebé husik rama ki’ik) no hana kontra ema
la’o-ain sira hosi joven sira "hahú" iha grupu rivál sira, tuir
alerta seguransa Organizasaun Nasoins Unidas (ONU) ne’ebé Lusa hetan asesu.
Tipu insidente ho Rama Ambon ne’e- arma sira ne’ebé uza iha fatin oioin iha arkipélagu indonéziu, inklui Ambon - pelumenus hamate ona ema na’in ida no barak mak hetan kanek horikedas inísiu tinan ne’e.
Kazu resente liu akontese iha loron 22 juñu liubá, bainhira, iha kalan, transeunte ida ne’ebé la’o iha 'Banana Road' – Estrada-boot ida mós iha kapitál – hetan tiru hosi ema deskoñesidu, ne’ebé tuir ho motor.
Alerta ne’e halo parte iha avizu seguransa ne’ebé distribui internamente ba kuadru sira Nasoins Unidas nian iha Timor-Leste hosi Departamentu Seguransa no Protesaun Nasaun sira-nian (UNDSS sigla iha inglés), ne’ebé Lusa hetan asesu.
Alerta ne’e akompaña hosi mapa ida ne’ebé hatudu zona sira sidade nian iha ne’ebé okontese beibeik insidente, konfrontu entre grupu rivál arte marsiál sira no mós uzu Rama Ambon.
Identifika grupu arte marsiál lima mak ativu, PSHT, Kera Sakti, Korka, Kolimau no 77, ne’ebé rejista maiór númeru insidente ne’ebé akontese iha zona sentrál no osidentál sira iha kapitál.
Tuir avizu seguransa nian, insidente sira ne’ebé grave liu akontese entre tuku 21:00 no 02:00, ho atakante sira subar molok hana rama kontra vítima sira.
"Iha relate hosi autoridade sira katak insidente sira ne’e balun bele envolve prosesu inisiasaun hosi joven sira ba grupu balun", adianta avizu ne’e.
Alerta ne’e antesipa katak bele iha aumentu insidente hanesan ne’e iha fulan hirak oin mai tanba besik ona eleisaun, liu-liu karaik autoridade sira la foti medida adisionál.
Haree ba risku ne’e, "funsionáriu hotu no dependente ONU sira hetan konsellu", entre medida sira seluk, tenta atu evita zona sira iha ne’ebé akontese insidente, hafoin tuku 19:00, garante katak halo viajen ho janela kareta nian taka no uza “película” hodi halo janela viatura nian nakukun, "buat ne’ebé sei ajuda kaer pedasu sira vidru nian karik lansa projeta".
Karik tenke sa’e motor liuhosi zona hirak ne’e, rekomenda atu uza kapasete ho tenke hatun “viseira” no ho kazaku boot.
SAPO TL ho Lusa
Tipu insidente ho Rama Ambon ne’e- arma sira ne’ebé uza iha fatin oioin iha arkipélagu indonéziu, inklui Ambon - pelumenus hamate ona ema na’in ida no barak mak hetan kanek horikedas inísiu tinan ne’e.
Kazu resente liu akontese iha loron 22 juñu liubá, bainhira, iha kalan, transeunte ida ne’ebé la’o iha 'Banana Road' – Estrada-boot ida mós iha kapitál – hetan tiru hosi ema deskoñesidu, ne’ebé tuir ho motor.
Alerta ne’e halo parte iha avizu seguransa ne’ebé distribui internamente ba kuadru sira Nasoins Unidas nian iha Timor-Leste hosi Departamentu Seguransa no Protesaun Nasaun sira-nian (UNDSS sigla iha inglés), ne’ebé Lusa hetan asesu.
Alerta ne’e akompaña hosi mapa ida ne’ebé hatudu zona sira sidade nian iha ne’ebé okontese beibeik insidente, konfrontu entre grupu rivál arte marsiál sira no mós uzu Rama Ambon.
Identifika grupu arte marsiál lima mak ativu, PSHT, Kera Sakti, Korka, Kolimau no 77, ne’ebé rejista maiór númeru insidente ne’ebé akontese iha zona sentrál no osidentál sira iha kapitál.
Tuir avizu seguransa nian, insidente sira ne’ebé grave liu akontese entre tuku 21:00 no 02:00, ho atakante sira subar molok hana rama kontra vítima sira.
"Iha relate hosi autoridade sira katak insidente sira ne’e balun bele envolve prosesu inisiasaun hosi joven sira ba grupu balun", adianta avizu ne’e.
Alerta ne’e antesipa katak bele iha aumentu insidente hanesan ne’e iha fulan hirak oin mai tanba besik ona eleisaun, liu-liu karaik autoridade sira la foti medida adisionál.
Haree ba risku ne’e, "funsionáriu hotu no dependente ONU sira hetan konsellu", entre medida sira seluk, tenta atu evita zona sira iha ne’ebé akontese insidente, hafoin tuku 19:00, garante katak halo viajen ho janela kareta nian taka no uza “película” hodi halo janela viatura nian nakukun, "buat ne’ebé sei ajuda kaer pedasu sira vidru nian karik lansa projeta".
Karik tenke sa’e motor liuhosi zona hirak ne’e, rekomenda atu uza kapasete ho tenke hatun “viseira” no ho kazaku boot.
SAPO TL ho Lusa
Sem comentários:
Enviar um comentário