TT DEZAFIA ESTADU HATUDU FAKTUS MANIPULASAUN

Kompañia Timor Telekom (TT), dezafia Estadu atu hatudu faktus manipulasaun kona-ba dívidas U$ 9.5 milloens ne’ebé maka dehan  Estadu selu ona ba TT.

“Agora se dehan katak, duplikasaun fakturas barak dehan selu  ona, pozisaun TT nian simples hela deit,  ita  hatama osan iha Banko  ita iha bukti,  nota deposito hatudu nota ne’e mai labele dehan  ha’u hatama tiha, nota la iha,”esplika Diretor TT, Manuel Carceres ba jornalista iha Timor Plaza, Kuarta (08/06).

Razaun Manuel Carceres koalia hatudu evidensia nota, tanba TT  iha Banko hat  iha Timor, hanesan Banco Nacional Ultramarino (BNU), Bank Mandiri,  ANZ no Banco Nacional do Comersio de Timor Leste (BNCTL).

“Iha osan  ne’ebé maka tama  iha Banko hat ne’e ba TT ninia konta sempre iha notifikasaun husi Banko  katak,  imi nia osan  ne’ebé maka tama Sis husi Antonio Maria José. Simples deit dehan organiza barak  deposito ona osan  selu ona ita tenki halo manipula duplika ba faktura simples hatudu bukti hatama osan, fasil  liu. TT hatudu ona faktura katak, faktura ida ne’e seidauk selu, parte ida dehan faktura ne’e selu tiha ona bukti pembayaran itu dimana,”afirma Manuel Carceres.

Tanba ne’e nia dehan,TT nia pozisaun ida tan maka hein verifikasaun  parte Governu nian liu-liu Ministerio Finansas (MF).

Manuel Carceres dehan mos katak, resposta preliminar ba  deklarasaun  mak  TT empreza ne’ebé maka seria organizada, displinada, tanba fulan tolu-tolu, auditoria sira mai halo verifikasaun.

“Se  iha ona komprovativu katak, osan  ne’e hatama ba konta TT iha Bank Mandiri, BNU ou ANZ ou BNCTL hatudu bukti  setoran mai. La iha  bukti ha’u labele dehan ha’u simu osan,  tenki iha bukti, tanba  bukti hasoru bukti, faktura hasoru deposito. TT la manipula inventa fatura, se  iha pagamentu aprezenta fatura ka bukti para ami bele hatene,”tenik Manuel Carceres.

Nia realsa katak, orsamentu U$9.5 milloens ne’e tuir fakturas  ne’ebé maka iha. agora dehan selu ona ne’e, hira? hatudu faktus.

Nune’e mos Manuel Carceres dehan, to’o agora nia seidauk simu karta ruma husi Governu kona-ba atu hapara transferensia pulsa ba membru Governu  no Diretur no Xefi Departementu sira.

“Ne’e   ita bo’ot sira maka hateten ami seidauk simu karta, tanba buat hotu tenki  iha komprovativu, ”responde Manuel Carceres.

Tanba ne’e Manuel Carceres  klarifika katak, membru  Governu sira la gasta liu sira nia plafon, balun sira gasta la to’o plafon ne’ebé maka sira hetan ne’e.

“Ami kobre tuir deit buat  ne’ebé sira gastu, ida  ne’ebé maka la gastu ne’e automatikamente la kobre, tanba ne’e sistema automatik,  ha’u haree ema barak  dehan membru Governu sira gasta barak, la’os sira gasta arbiru, membru Governu sira nia plafon 200 to’o 200 deit, kargu xefi ida nia plafon 50 to’o 50 deit labele liu, kuandu liu 50 ona nia simu deit telefone, nia labele SMS (Short Massages Services) sai no telefone  to’o loron ne’ebé nia sei hetan plafon foun,”dehan Manuel Carceres.

Antes ne’e, Ministru Finansas (MF) Helder Lopes, hatete, tuir pedidu husi TT nian ne’ebé hato’o ba Estadu,  katak dívidas Estadu seidauk selu ba TT hamutuk U$ 9.5 milloens, maibe invoice  ne’ebé  mak Ministeriu Finansas identifika ona, dívidas balun  Estadu halo ona pagamentu.avi

Jornal Nacional