"Kombatente
terorista estranjeiru sira" na'in 30.000 resin maka iha Irake ho Síria,
deklara ona hosi diretór hosi Komité hasori Terorizmu ONU nian, iha
loron-tersa, ne'ebé adverte hasoru risku hosi "atake sira ne'ebé aumenta
maka'as" iha sira nia nasaun orijen nian.
"Kombatente
terorista estranjeiru sira barak tebes" iha Irake no iha Síria,
"hanesan besik 30.000 no agora fatin importante hosi Daech [naran árabe
hosi grupu Estadu Islámiku (EI)] menus daudaun iha Irake ita haree sira fila
fali, la'ós de'it ba Europa maibé mós ba sira nia nasaun orijen sira hanesan
Tunízia ka Maroko", esplika hosi Jean-Paul Laborde, subsekretáriu jeral
ONU nian durante konferénsia ida iha Jenebra.
"Atake
terorista sira iha nasaun sira orijen nian karik bele aumenta tan hodi
kontrabalansa presaun ne'ebé maka halo ba sira", nia insisti.
Laborde
apela ona ba Estadus Unidus hodi hala'o "filtrajen" ida ne'ebé hodi
distingi "entre parte barak hosi kombatente estranjeiru sira ne'ebé la'ós
hanesan ema perigozu sira (...) no sira ne'ebé hanesan perigozu".
Laborde,
ne'ebé hanesan juís antigu iha Fransa, hatutan ona katak komunidade
internasional iha fó dalan jurídiku sira hodi kombate terorizmu maibé nia
subliña ona katak "adaptabilidade no fleksibilidade hosi organizasaun
terorista sira hanesan lalais tebes duké ita nian".
Responsável
hosi ONU defende ona koperasaun hamutuk ida hosi komunidade internasional ho
empreza privadu sira hanesan Google, Twitter ho Microsoft hodi kombate défice
hosi fleksibilidade no vijia terorista sira ho dalan di'ak liu iha internet,
maibé "la viola liberdade esperesaun nian".
Nia
apela mós ba Estadu sira hodi fahe lalais informasaun sira hodi konsidera katak
"bainhira la halo buat ida asaun terorista sira sei aumenta nafatin".
Komité
hasoru terorizmu, ne'ebé reprezentadu hosi nasaun membru sira hosi Konsellu Seguransa
nian, harii iha Nova Iorke hosi Konsellu hafoin kedas atentadu sira ne'ebé
akontese iha loron 11 Setembru 2001 iha Estadus Unidus.
SAPO
TL ho Lusa
Sem comentários:
Enviar um comentário