Presiza Halo Auditoria Ba Viajen Estranjeiru

DILI - Deputadu bankada Frenti Mudansa Jorge Teme dehan, Tribunal de Kontas presiza halo fiskalizasaun ou auditoria ba kada Ministeiru neebe maka halao viajen ba estranjeiru, lalori benefisiu fila fali mai iha rai laran.

Nia dehan, mal-administrasaun neebe maka pratika hela iha Ministeiru sira, presiza sai prioridade atu hadia, laos atu hatudu liman ba malu.

Hau hanoin Tribunal de Kontas iha kompetensia tomak atu halo fiskalizasaun ou auditoria konaba aktividades aktividades neebe maka kada Ministeiru halo liu husi viajen ba estranjeiru, neebe ladun fo benefisiu ba ita nia povu iha rai laran,” dehan deputadu Jorge ba STL, iha PN, Dili, Sesta (01/07/2016).

Viajen ba estranjeiru tuir deputadu Jorge katak, laos bandu nee nesidade, maibe viajen tenke halo balansu. Tanba halo viajen ba estranjeiru nee tenke fo benefisiu ba ema Timor nee laiha problema, se halo viajen estranjeiru para halo estudu komparativus neebe mai laimplementa nee estraga deit osan.

Iha fatin hanesan Vise bankada Fretilin deputada Josefa Pereira Soares dehan iha duni importansia atu halo viajen ba estranjeiru, tanba intrese ba estadu ida nee. Informasaun kompletu iha STL Jornal no STL Web, edisaun Sabado (2/7/2016). Carme Ximenes

Suara Timor Lorosae