Ministru
justisa foun Japaun nian, Katsutoshi Kaneda, defende ona kastigu mate nian
hanesan "kastigu ida ne'ebé labele evita" ba "krimi aat
sira", iha deklarasaun sira hafoin nomeasaun, ne'ebé haktuir hosi
komunikasaun sosial nipóniku iha loron-kinta.
Nune'e
Kaneda hatudu nia vontade katak Japaun kontinua hanesan nasaun úniku
industrializadu, hamutuk ho Estadus Unidus, maka mantén kastigu mate, hafoin
nomeadu tiha ba kargu iha loron-kuarta hosi primeiru-ministru japunés, Shinzo
Abe, iha remodelasaun governamental nian.
"Hanesan
inevitável hodi aplika kastigu mate ba ema ida ne'ebé halo krimi aat ida no ho
responsabilidade penal loloos", afirma hosi Kaneda iha nia deklarasaun
dahuluk sira nu'udar titular ba pasta justisa nian ne'ebé haktuir hosi diáriu
Sankei.
Kaneda,
ho tinan 66 no eis-visi-ministru hosi Negósiu Estranjeiru nian, destaka mós
nesesidade hodi "iha prudénsia" iha oras hodi fó orden sira ezekusaun
nian, nune'e mós konsidera "opiniaun públiku no konsepsaun sosial justisa
nian" hodi aplika kastigu ne'e.
Kaneda
uluk hanesan deputadu hosi konservador hosi Partidu Liberal Demokrata (PLD) iha
kámara aas hosi Parlamentu japuné hatutan ona katak nia objetivu prinsipal
nu'udar ministru maka halo Japaun hanesan "nasaun ida seguru liu iha
mundu".
Ezekusaun
foun sira iha Japaun hala'o iha fulan-Marsu liubá, bainhira aplika ba kondenadu
na'in rua ne'ebé halo homisídiu barak. Halo ona ezekusaun hamutuk 16 sira hahú
hosi governu atuál Shinzo Abe kaer poder.
Iha
Japaun, ne'ebé obriga uza, kondenadu sira simu informasaun katak sei hetan
ezekusaun oras balun antes, ne'ebé kritika hosi organizasaun sira la'ós governu
nian, ne'ebé subliña katak prizioneiru barak sai izoladu iha dékada barak nia
laran.
Organizasaun
sira defeza ba direitu ema nian presiona beibeik Tókio hodi halakon kastigu
mate nian, bainhira Governu insisti katak tenki debate kestaun ne'e tanba apoiu
maioritáriu, haktuir hosi sondajen sira (80% resin).
SAPO TL ho
Lusa
Sem comentários:
Enviar um comentário