Sosiedade Sivil ASEAN Husu Australia Respeita Timor-Leste Nia Fronteira Marítima

DILI (ANTIL) — Forum Sosiedade Sivil husi Association of South East Asia Nations (ASEAN) hala’o marsa husi Centru Convecão Dili (CCD), hahú tuku 5 loraik bá area Embaixada Australia iha Fatuhada, Dili,  Sesta (05/08/2016).

Marsa ne’ebé partisipa husi kauze  ema na’in 100, nia objetivu atu hato’o sira-nia solidariedade ba povu Timor-Leste, kona-ba disputa fronteira marítima entre Timor-Leste ho Australia.

“Ami hakarak involve kolega sira husi rai seluk hamutuk ho ita, bele luta ba fronteira maritima, hasoru Australia. Luta ida-ne’e la’os povu Timor-Leste nia luta de’it,” Juvinal Dias, porta voz ida husi movimentu ne’e hateten.

Sosiedade Sivil ASEAN husu ba Australia atu respeita Timiro-Leste nia direitu ba fronteira marítima. (Jornalista: Zezito /Editora:Lidia Neves)