PASIENTE TBC 50 HALO TRATAMENTU INTENSIVU

Doutor Klinika Bairo Pite, Daniel Murphy infiorma, klinika Bairo haruka ona pasiente Tuberkoluze nain 50 ba halo tratamentu intensivu iha sentru rehabilitasaun Tibar.

“Ami servisu hamutuk ho madre Lurdes iha Tibar hodi koloka pasiente Tuberkoloze nain 50 ba halo tratamentu intensivu,”informa Doutor Daniel Murphy ba JN-Diario iha Klinika Baro Pite, Sesta (29/7/16).

Tuir dadus klinika Bairo Pite hatudu, loron loron pasiente barak liu ho moras Tuberkoluze mak halo tratamentu iha klinika Bairo Puite.

 “Loron -loron ami simu pasiente Tuberkoluze nain 5 to’o nain 10 ne’e, iha fulan ida nia laran pasiente TBC nia numeru as kompara ho moras sira seluk,“ dehan Dr. Daniel.

tuir nia, moras Tuberkoluze ne’e agora sai ameasa ba ema Timor oan sira, tanba ne’e Estado ka Governu tenke fo atensaun makas.

“Timor oan  feto ka mane labarik kikaon sira hau hare agora moras ne’e kona hotu, ne’e amesa tebes ba sira atu halo netik buat ruma. Ba hau Estado ka Governu presiza fo atensaun mak liu husi promosaun no informasaun, nune’e komunidade sira bele iha koñesementu atu halo prevensaun ba moras TBC,”tenik nia. Car

Jornal Nacional