DILI,
(ANTIL) – Governu liu-hosi enkontru Konsellu Ministru, Tersa, (14/9)
altera tan loron eleisaun lideransa komunitária hosi 15 fulan-Setembru ba loron
29 fulan-Outubru.
Tuir
desizaun ne’e, estabelesementu meza eleitorál hodi hatama kandidatura xefi suku
muda ba loron 15 fulan-Outubru hodi permite ema kandidata-án ba lideransa
komunitária nian iha loron 29 fulan-Outubru 2016.
Ministru
Estadu Koordenadór asuntu Administrasaun Estadu e Justisa no Ministru ba
Administrasaun Estatál ba ANTIL via mídia sosiál, Kuarta, (14/9), esplika,
razaun alterasaun ne’e atu fó tempu ba Estatal atu alarga liu tan área
sosializasaun hamutuk ho munisípiu no fó tempu ba sosializasaun ne’ebé kle’an.
Seluk
mak fó tempu ba kandidatu sira atu partisipa iha rejistu, no razaun seluk
hanesan publikasaun dekretu governu ne’ebé sai tarde hofi la fó tempu para ema
prepara-án.
Preparasaun
estabelesementu meza eleitorál iha loron votantes ne’ebé mak hasai ona manuál
implementasaun presiza familiariza ho kandidatura sira iha aldeia. Dadaun ne’e,
ekipa munisípiu ho postu administrativu halo hela sosializasaun.
Sekretaria
Teknika Administrasaun Eleitorál (STAE) ho ekipa diresaun apoiu ba suku ho
diresaun nasionál administrasaun lokál mos kontinua sosializa servisu no fó
apoiu.
Ministru
Koordenadór hatutan, mudansa ne’e sei halo tuir nafatin mandatu tuir segunda
alterasaun ba lei númeru 3/2009 kona-ba lideransa komiunitaria ne’ebé revoga
ona ho lei númeru 9/2016 kona-ba eleisaun suku nian ne’ebé promulga hosi
Prezidente Repúblika katak eleisaun suku sei halo tarde liu loron 30
fulan-Outubru 2016. (jornalista: Rita Almeida)
Foto:
Ministru Estadu Koordenadór asuntu Administrasaun Estadu e Justisa no Ministru
ba Administrasaun Estatál. Foto ANTIL
Sem comentários:
Enviar um comentário