Komunidade
Maliana lakohi lakon Feira Livru hosi Projetu Mais Português, ne'ebé hala'o iha
eskola hosi CAFE iha Odomau (Maliana), ho livru sira ne'ebé iha folin asesivel
no atividade oioin, entre sira maka konversa ho autór sira.
Interese
ba aprendizajen no divulgasaun hosi kultura timoroan nian liuhosi Lian
Portugeza bele haree iha adezaun maka'as ba atividade lúdiku no pedagójiku
sira, ne'ebé aprezenta iha portugés hosi profesór timoroan sira no profesór
portugés sira.
Projetu
Mais Português selu hosi Unidade Apoiu ba Sosiedade Sivil hosi Gabinete
Primeiru-Ministru nian no, hamutuk ho Embaixada Portugal no projetu CAFE
(Centros de Aprendizagem e Formação Escolar), hala'o Feira Livru ne'ebé
akontese entre loron 14 no 16 Outubru.
Joaquim
da Costa Freitas, Kordenadór hosi Unidade Apoio ba Sosiedade Sivil hosi
Gabinete Primeiru-Ministru nian, konsidera ona katak "fa'an livru hanesan
susesu ida, ne'ebé motiva liután perspetiva hodi kontinua ho Projetu Mais
Portugés, iha tinan oinmai, ho parseria atuál, tanba hamutuk ita konsege buat barak
no rezultadu di'ak sira. Unidade Apoiu ba Sosiedade Sivil hosi Gabinete
Primeiru-Ministru nian hakarak tebes promove inisiativu ne'ebé divulga mundu
luzofonia nian no promove intervensaun hosi Sosiedade Sivil CPLP nian".
Aleinde
fa'an livru sira no atividade dezenvolvidu sira, liuliu destinadu ba labarik
sira, iha mós Konsertu Knananuk Luzófonu ne'ebé hanesan susesu ida no hametin
lasu sosiokultural sira entre povu luzófonu sira ne'ebé marka prezensa iha
Feira Livru ne'e (Timor, Portugal ho Brazil).
Eventu
hetan mós prezensa hosi Ministru Estadu, Kordenadór ba Asuntu Sosial sira no
Ministru Edukasaun, António da Conceição, no hosi Embaixadór Portugal nian iha
Díli, Manuel Gonçalves de Jesus.
Fonte:
Portal do Governo de Timor-Leste, em SAPO TL
Sem comentários:
Enviar um comentário