DILI,
(ANTIL) - Governu suporta másimu Maria Vitória alias Marvi, reprezentasaun
artista timoroan ne’ebé kompete ba kompetisaun Dangdut Akademi Asia 2 (DAA2)
iha Jakarta, Indonezia, organiza husi estasiun Televizaun Indosiar.
Sekretáriu
Estadu Juventude no Desportu (SEJD), Leovigildo Hornai ba ANTIL, Kuarta
(23/11/2016) iha Parlamentu Nasionál esplika, abilidade no talentu ne’ebé Marvi
ohin-loron iha no bele kompete iha nivel Internasionál, tanba molok ne’e iha
ona esperiensia no hetan ona kapasitasaun durante partisipa iha kompetisaun
kanta Juven Super Star (JSS), ne’ebé organiza husi Departamentu Juventu
Katólika Dioseze Dili (DEJUKDIL), hetan apoiu mós husi Governu Timor-Leste.
Atu
fó suporta ba Marvi iha performa loron 27 Novembru 2016, Governu liuhusi
Sekretária Estadu Juventude no Desportu (SEJD) organiza eventu asiste hamutuk (nonton
bareng-Indo) iha SEJD.
“Konvida ema hotu atu asiste hamutuk, tantu iha uma ida-idak no bele mós iha
kampu SEJD atu fó espresaun no solidariedade ba artista timoroan Marvi,
nu’udar orgullu ida ba Timór,” Leovigildo dehan tan.
Sekretáriu
Estadu afirma, Marvi bele sai Diva Dangdut Timor-Leste iha natureza,
karrater dangdut no lori indústria múzika mai Timór, lori
tama iha Ázia, liuliu iha Indonézia. Marvi mós bele sai referénsia, inspiradór
no ezemplár ba joven sira, ne’ebé iha talenta maibé laiha oportunidade.
Leovigildo
rekunhese, nivel koordenasaun presiza hadi’a atu reforsa no hametin
intervensaun ba komunidade artista sira, ne’ebé partisipa iha eventu
internasionál. (Jornalista : Maria Auxiliadora/Editór: Otelio Ote)
Sem comentários:
Enviar um comentário