Tribunal nian devolve prosesu hosi portugés sira ne'ebé akuzadu tanba sala hosi Ministériu Públiku

Tribunal Distrital Díli fó fali ba Ministériu Públiku prosesu akuzasaun hasoru kaben-na'in ida sidadaun portugés sira ne'ebé detidu hela iha Díli iha tinan rua nia laran, tanba sala sira hosi prokuradoria kona-ba notifikasaun hosi arguidu ida seluk.

Iha kauza maka akuzasaun, tanba krimi sira na'ok osan nian, brankeamentu kapital sira nian no halo dokumentu falsu, hasoru Tiago Guerra ho nia feen, Chang Fong Fong Guerra, ne'ebé seidauk iha loron markadu ida ba julgamentu.

Ko-arguidu iha prosesu hanesan no akuzadu ba krimi hanesan maka sidadaun norte-amerikanu ida ho naran Bobby Boye, eis-konselleiru ida hosi área petrolíferu nian ne'ebé halo fraude iha Governu timoroan no ne'ebé, iha fulan-Outubru 2015, hetan kondenasaun hosi tribunal federal ida norte-amerikanu nian ba kadeia tinan neen no tenki fó fali osan hamutuk dolar millaun 3,51 resin ba Timor-Leste.

Akuzasaun ne'e asina hosi prokuradora timoroan Angelina Joanina Saldanha iha loron 29 Jullu liubá, maibé arguidu portugés sira simu de'it notifikasaun iha loron 04 Outubru, bainhira prosesu ne'e entrega ba TDD.

Despaxu ne'e asina hosi prezidente koletivu hosi juís sira TDD, Jacinta da Costa, iha loron-tersa no ne'ebé maka Lusa hetan asesu iha loron-kuarta ne'e, hatudu dúvida sira kona-ba saida maka refere ba prosesu ne'ebé fahe ba rua ka la'e, ida ba kaben-na'in portugés no ida seluk ba Bobby Boye.

Despaxu haree katak MP rasik konfirma katak Bobby Boye "la hetan notifikasaun hosi akuzasaun MP nian", no halo despaxu ida "ne'ebé haruka hasai sertidaun" prosesu nain, ne'ebé bele sujere katak iha separasaun hosi prosesu.

Maibé, juiza esplika, iha auto sira katak "laiha informasaun relativu ba kumprimentu hosi despaxu hosi PM hosi ofisial justisa hosi instituisaun ne'e" nune'e tribunal hatete katak la hatene loloos karik despaxu ne'e atu hasai sertidaun ka la'e hodi haketak prosesu Bobby Boye nian ho arguidu sira seluk.

"Tuir verifikasaun katak ofisial justisa MP nian seidauk kumpri despaxu hosi PM kona-ba hasai sertidaun ba arguidu sira seluk hosi prosesu nian. Tuir narasaun, haruka fó fali prosesu sira ba PM tanba hanesan kestaun préviu ida ne'ebé hatudu apresiasaun hosi méritu", hakotu hosi juiza timoroan.

Kona-ba despaxu ne'e, Tiago Guerra hatudu preokupasaun tanba buat hotu hatudu katak "sala foun ida hosi PM halo atraza fali prosesu tomak" ne'ebé dura ona tinan rua nia laran.

"Ha'u iha hela esperansa katak ikusmai iha karta ida ne'ebé ha'u bele uza hodi defende aan. Ha'u fiar nafatin tanba ha'u haree katak TDD haree duni ba prosesu ne'e no deskobre falla sira no ha'u hein katak buat hotu bele klarifika lalais", nia hatete.

"Ha'u repete fali ami nia inosénsia no apela fali ba autoridade timoroan sira hodi garanti katak prazu sira bele aplika no labele hanaruk prosesu ida ne'ebé dura ona tinan rua nia laran", nia hatete.

Iha akuzasaun MP konsidera arguidu tolu ne'e hanesan responsável ba autorial material iha konkursu real no iha dalan halo krimi tolu ne'e.

Hanesan prova sira, aleinde dokumentu sira ne'ebé halo parte iha prosesu, MP timoroan aprezenta sasin na'in haat inklui eis-visi-ministru Finansa nian Rui Hanjam, funsionáriu na'in rua seluk hosi Ministériu Finansa sira nian no atual ministra, Santina Cardoso.

Prokuradora defende manutensaun hosi medida sira koasaun nian, konsidera mós katak "sei reforsa planu sira ne'ebé determina aplikasaun" hosi medida sira ne'e.

Husu mós atu arguidu na'in tolu ne'e hetan kondenasaun hodi selu kompensasaun sivil ida ho folin ne'ebé hanesan ho lakon sira hosi Estadu timoroan nain, ne'ebé hamutuk dolar 859.706,30.

Iha kazu hosi krimi na'ok nian no brankeamentu kapital sira nian, kastigu máximu ne'ebé previstu iha Kódigu Penal timoroan nian maka kadeia tinan 12 no ba krimi halo falsu dokumentu sira maka kastigu máximu ba kadeia tinan tolu ka multa.

MP rona tiha ona Tiago Guerra ho nia feen iha fulan-Juñu liubá, liutiha fulan 20 hafoin kaer sira, no tinan rua nia laran maka labele sai hosi nasaun no ho Termu Identidade no Rezidénsia nian.

Tiago Guerra kaer ba interogatóriu iha loron 18 Outubru 2014, hela loron tolu iha eskuadra polísia nian iha Caicoli no iha loron 21 Outubru 2014 ko'alia iha Tribunal Díli nian, bainhira juís haruka nia ba prizaun preventivu, hodi tama iha kadeia Bekora no sai iha loron 16 Juñu tinan liubá.

Hahú tempu ne'ebá, hanesan mós ho nia feen, hetan Termu Identidade no Rezidénsia (TIR) no labele sai hosi nasaun ne'e.

Iha senáriu aat liu, bainhira prosesu avansa ba julgamentu no maski la konsidera kastigu sira kadeia nian, karik kaben-na'in labele sai hosi Timor-Leste to'o konkluzaun hosi julgamentu no eventual rekursu sira.

SAPO TL ho Lusa