Ka’er responsável tolu hosi klinika privada iha Timor-Leste- fonte judisiál

Sidadaun estranjeiru na’in tolu ne’ebé responsável ba klinika privada, Stamford Medical iha Timor-Leste, horisehik ka’er ona na’in ida hosi, tolu ne’e iha aeroportu Dili, bainhira atu halo viajen bá rai liur, tuir fonte judisiál haktuir ba Lusa. 

“Sei ka’er ema na’in tolu. Hafoin investiga kona-ba importasaun aimoruk”, esplika fonte refere.

Ka’er ona responsável ida hosi na’in tolu ne’e, iha aeroportu Nicolau Lobato, Díli, bainhira atu halo viajen bá Denpasar, Bali.

Tuir ema sira ne’ebé haree, haktuir ba Lusa katak, responsável refere sai mai ho liman uza ona aljema no akompañ ho pesoál hosi Polísia Sientifika Investigasaun Krimiál (PCIC).

Hafoin oras balun ka’er tiha responsável rua seluk, sira sei tenke aprezenta-aan iha Tribunál Distritá Dili.

Lusa ladauk konsege hetan informasaun hosi parte PCIC ka Ministériu Públiku.

Stamford Medical, hahú halo serbisu iha Timor-Leste, deeds 2012 hamutuk ho ekipa médika hosi nasaun oioin no nu’udar klínika internasionál iha rai-laran, ne’ebé uza hosi sidadaun estranjeiru nomós timor-oan.

SAPO TL ho Lusa