Lei Lafo Dalan Emilia Julga Iha Portugal

DILI - Maske Emilia Pires husu ba Tribunal Timor Leste atu julga  kazu neebe nia komete iha nasaun Portugal, maibe lei lafo dalan ba arguida nee julga iha nasaun refere, tanba ema neebe komete krimi iha teretoriu Timor Leste tenke julga iha nee.

Xefi bankada Fretilin Aniceto Guterres hateten, Lei lafo dalan, nunee mos kodeku penal nee klaru tiha ona iha neeba katak,  krimi saida deit, no se se deit maka komete krimi iha teretoriu Timor Leste nee tenke julga iha Timor, naun ser iha akordu ekstradisaun ho rai ruma, maibe arguida Emilia Pires hanesan sidadaun Timor, laiha dalan seluk para halo ekstradisaun.

Se se deit ate membru sidadaun estranjeiru mos tenke julga iha nee, tanba nee kompetensia eksluziva Tribunal nian, nee kodeku penal klaru laiha buat ida atu intrepreta, se arguida Emilia Pires husuba Portugal tanba rajaun saida, krimi ruma nia komete iha Portugal, Tribunal Portugal no Australia laiha kompetensia atu julga,” dehan deputadu Aniceto ba jornalista sira iha PN, Dili, Tersa (22/11/2016).

Responde konaba Tribunal fraku nunee halo arguida Emilia Pires sai ba rai liur, deputadu Aniceto hateten, fraku ka forte nee buat seluk ida, maibe labele halo kampania dehan Tribunal fraku, depois hakarak halai ses tiha husi prosesu, nee labele akontese.

Iha fatin hanesan Xefi bankada Frente Mudansa Jose Luis Guterres hateten, arguida Emilia Piresdurante ba iha Tribunal nee durante tempu barak, nia advogadu Portugues sira mos mai iha nee para defende Emilia. Informasaun kompletu iha STL Jornal no STL Web, edisaun Kuarta (23/11/2016). Carme Ximenes

Suara Timor Lorosae