Kompañia
Raya Tex ne’ebe lansa ona Tais Ready To Wear 2017 iha Centru
Convensaun Dili, Sabadu (10/12/2016) liu ba, iha komitmentu atu produs no
promove ropa no asesoris tradisional Timor Leste nian sai modernu no bele
koñese liutan iha nivel nasional no internasional.
“Prezensa
Kompañia Raya Tex iha Timor laos atu hamate tais original Timor nian,
maibe atu fo motivasaun no kolabora hamutuk ho inan-feton soru tais sira hodi
kontinua promove motivu tais Timor liu husi tais printing,” afirma Raul
Lemos, nudar nain ba Kompañia Raya Tex bainhira responde jornalista sira
iha nia knar fatin, Kampung Alor, Dili, Kuarta (14/12/2016).
Diretor Executivu Kompañia Atramor Sucsesso ne’e mos esplika katak,
inisiativa investe iha industria tais atu kria kampu servisu ba Timor oan
hanesan produtor ba tais, inklui mos feto sira ba prosesu hodi hasae sira nia
kapasidade, talentu no estatutu social no fo mos kampu servisu ba
designer sira no feto foin sae atu sai alfaiate ne’ebe diak
hodi produz roupa prontu atu uza hodi bele kompete iha merkadu nasional
no internasional.
Raul
Lemos hanesan nain ba empreza nee hatete katak, Tais Ready To Wear 2017 nee,
sai ona hanesan hena no fa’an mos hena metru no produtu tais neebe sai ona
hanesan kamiza liman naruk, badak husi labarik too ema boot no roupa feto
nian saia-buluza to’o vestidu ne’ebe kompletu ho modelu oi-oin.
“Agora
dau-daun iha ona item rihun 4 (4000) hena neebe Raya Tex produs ona no prontu
fa’an iha merkadu, laos deit iha Timor Leste, maibe fa’an mos iha
Indonesia. Ba sira neebe hakarak sosa produtu tais Raya Tex nian, ami prontu
atende ita boot sira. Presu terjangkau ba ema klase medio to’o klase leten
(atas),” katak Raul Lemos.
Raul
Lemos hateten, produtu tais ne’e, sei produs iha Indonesia, maibe kompañia iha
planu iha uluk konvensi parese iha fulan tolu ka haat mai. Maske tarde,
kompañia iha future sei iha printing rasik hodi halo printing
iha Timor Leste.
“aktualmente
ami sei produs hela iha kompañia Sri Tex iha Indonesia, ne’ebe konhesidu tebes
no tama iha 7 maravilha (7 keajaiban) mundial iha industria tekstil,
maibe iha futuru ou tempu badak mai ami sei iha uluk konvensi depois halo planu
baa ban bainrua ami mos sei iha printing rasik iha Timor,” hateten Raul
Lemos.
Raul
Lemos afirma katak, inisiativa no hanoin hodi harii industria tais nee,
bainhira nia halo vizita iha industria Sri Tex no halo diskusaun hodi
hamosu ideia no hakarak atu promove tais Timor nian hodi konhese iha mundu atu
sai hanesan batik ou tenun Indonesia nian.
Husu
kona ba tarjetu, Raul Lemos afirma katak tarjetu kompañia ba Tais Ready
To Wear 2017 nee ba ema hotu no Timor oan sira neebe iha interese atu uza.
“Ita
bele uza produtu Indonesia nian hanesan batik no ropa sira husi liur, tanba sa
mak ita la bele uza ita nia produtu rasik. Ita tenke fila ba ita
nia identidade, ida nee mak importante,” tenik Raul Lemos.
Raul
hatete, iha lansamentu Tais Ready To Wear 2017 nee halo eventu neebe boot
no konvida mos midia sira husi Indonesia, Malaysia no Singapura hanesan parte
husi promosaun katak Tais Timor bele sai ona ba liur no mos halo promosaun ba
potensia turismu Timor nian ne’ebe haksumik iha Dili ho mos munisipiu sira.
Planu
ba oin, kompanhia Raya Tex sei halo fashion show hodi promove modelu-modelu
foun tan, la’os iha Dili deit, maibe sei halo mos iha munispiu sira. Raya Tex
halo ona komunikasaun ho designer konhesidu iha Indonesia atu halo fashion show
iha Indonesia iha tinan 2017 no ba future sei haree mos promosaun ba iha nasaun
sira membru Comunidade dos Pais da Lingua Portugues (CPLP).
Kona
ba presu, Raul Lemos hatete katak, produtu tais neebe produs husi Raya Tex ne’e
nia presu bele favorese ba ema hotu.
Nia
aprfunda liu tan katak, iha lansamentu Tais Ready To Wear 2017, foin lalais
ne’e, atu fo koñesementu no introdus motivu tais hodi uza ba modelu oi-oin tuir
kondisaun no klima tropikal iha Timor Leste, maibe kontinua uza modelu ka
motivu tais original Timor nian neebe iha ona ho kor oi-oin ne’ebe maka bei-ala
sira husik hela ba Timor.
“Inisiativa
nee mosu tanba hare ba Tais Timor nee nia corak (motive) oi-oin. Maibe, tais
original neebe inan-aman sira halo tuir kultura tinan rihun ba rihun ona, ita
labele uza ba suku roupa mesmu bele, maibe ladun maksimal. Tanba mahar no ita
hatais ladun fleksibel iha ita nia iklima ne’ebe mak tropical. Mesmu nune’e,
lasignifika katak atu hamate ita nia tais original ne’ebe iha nanis ona,”
hateten Raul Lemos.
“Hanesan
ita hotu hatene katak, ita nia tais original ne’e iha ligasaun liu ho kultura,
ne’ebe maka ita hatene katak lia mate-lia moris, fetosa-umane, simu bainaka,
kabala hodi bidu ho dahur, ita sempre uza tais orginal. Tanba ne’e,
maka la iha vantagen atu dehan, tais printing ne’e mai hamate fali tais
original. Hau rasik mesmu halo tais printing ne’e, maibe hau mos iha stok lubuk
ida kona-ba tais orginal ne’ebe maka iha nia istoria oi-oin, hanesan hau hetan
husi hau nia uma lulik, hetan husi hau nia tiun no muan alin sira entrega ba
hau tuir ita nia lisan ida-idak,” afirma Raul Lemos.
Tuir
nia, iha tempu neeba sira halo fashion show hodi hatudu ba publiku Timor
laran tomak to’o iha estranjeiru, liu-liu ba nasaun Singapura, Malaysia no
Indonesia neebe nia reprezentante midia mai iha Timor hodi hatudu ba sira katak
Timor mos iha ona tenun hanesan, tenun ikat NTT, NTB, Sulawesi no iha fatin
sel-seluk tan. Neebe sira modifika ona hodi sai ba printing para suku ba halo
kamiza hanesan batik Indonesia nian bele suku halo buluza, saia no sel-seluk
tan.
“Tanba
sa mak ita nia tais labele halo hanesan nee. Ita bele uza tanba ita nia iklima
nee tropis, neebe ita halo hena ida neebe tuir ita nia iklima nee. Hodi ita nia
tais bele hatais ba iha loron boot no bele hatais simu bainaka sira ou ba
vizita rai liur, atu hanesan mos ho Indonesia nian ne’ebe oras ne’e ninia
lideransa sira kustuma liu hatais batik iha loron boot no simu bainaka ou ba
vizita rai liu ga partisipa forum internasional sira no mos festa kasamento ou
festa saida deit,” afirma Raul Lemos.
Kona-ba
komunidade atu bele asesu ba produtu Raya Tex nian, Rau Lemos informa katak,
dau-daun ne’e Raya Tex hetan espasu husi Timor Plaza, hodi halo bazaar
iha loron Kinta-Kinta kada semana hodi hein Raya Tex konstrui hela nia show
room rasik I sei remata iha tempu badak.
“Oras
ne’e iha Dili iha ona stok neebe sai ona roupa ho mos hena rolu hodi atende
kunsumedores sira. Ita hotu bele hetan iha Raya Tex nia edefisiu ou bele ba
direita iha merkadu ne’ebe sei loke iha Kinta-Kinta iha Timor Plaza,” informa
Raul Lemos.
Husu
kona ba oinsa animu publiku nian depois halo lansamentu produz tais, Raul
hatete nia hanesan kompania nain fo konesementu ba publiku katak Timor
iha ona tais printing, hena neebe suku halo roupa.
Estimasaun
kona ba tarjetu, Raul rekonhese sai hanesan dezafiu ida, maibe nudar emprezariu
Timor oan sei la hakfodak tanba iha negosiu nee sempre iha resiko.
“Ita
halo negosiu ida ita iha tantangan bersaing ho ema seluk. Ami latauk ba
tantangan nee, maibe semakin iha tantangan memacu ami atu halo manajementu diak
liu tan no bele mos halo promosaun iha nivel nasional no internasional. Ami mos
sei uza fasilidades promosaun hotu-hotu, hanesan social media inklu media
etroniku ho imprimi sira nasional no internasional,” hateten Raul Lemos.
Foin
lalais ne’e, Raya Tex konsege konvida media husi liur hanesan Metro TV, TV One,
RCTI, Liputan6 SCTV, TVRI, ASTRO TV husi Malaysia, no jornal
Kompas, inklui TV balun husi Singapura. Ne’e nudar esforsu no kooperasaun boot
ne’ebe Raya Tex halo atu atria ema internasional sira nia atensaun ba potensia
turismu Timor nian.
“Ida
nee halo hau kontenti liutan tanba nudar Timor oan hau hakarak fo kontribuisaun
ba nasaun ida nee. Ita bele hamutuk para dezenvolvimentu iha nasaun nee bele
konhese liutan iha mundu. Hau kontenti tanba TV One ho Metro TV fo sai iha head
line kona-ba eventu lansamentu no promosaun tais printing ne’e.
ne’e orgulhu boot ida mai hau no orglhu mos ba ita Timor tomak tanba ita
potensia turismu komesa abranze ba rai liur ona. Hau mos kontenti tanba depois
de lasanmentu, maluk sira husi Indonesia barak maka hakarak sosa, siginfika
produtu sira ne’e komesa konhesidu ona,” hateten Raul Lemos.
Raya
Tex sei aproveita oportunidade konsertu single (Krisdayanti nian) ne’ebe
boot tebs-tebes durante loron 3 tui-tuir malu iha Istana Budaya Malaysia iha
Fevereiru mai, hodi halo mos promosaun ba ropa tais printing ne’e. liu husi
designer konhesidu iha Indonesia kolabora ho designer Timor oan ida hodi halo
ropa ba konsertu nian.
Kona
ba kritika neebe mosu husi ema balun kona ba tais printing ne’e, Raul Lemos
konsidera kritika sira nee normal iha vida negosiu ho vida moris lor-loron
nian.
“Kritika
husi ita nia inan feton sira neebe soru tais, ami simu no ami sei tenta atu
esplika ba sira. Maibe ema ida neebe kritika hacker nee ema neebe nia kakutak
nee hanesan teki wainhira teki nee monu husi didin lolon tuun mai rai nia ikun
sempre kotu depois seo hela nia ikus. Anjing menggonggong kapila berlalu, ami
hakarak hatete, ami mosu laos atu hamate kreativa inan-feton sira soru
tais nee, maibe ami motiva sira bele halo sira nia corak nee oi-oin liu tan.
Husi corak nee sira moris nafatin. Ami mos sei sosa sira nia corak ne’e
hodi motiva ami. Ita laos atu soe ita nia kultura ou tradisaun. Ita
ba lia mate ka lia moris, ita la bele ba ho tais printing ne’ebe maka Raya Tex
halo. Ita nia valor kultura tradisional nee as teb-tebes. Ne’ebe, la iha rajaun
atu ita minimiza ou halakon fali kontiudu kultura bei-ala sira nian,” afirma
Raul Lemos.
Kona-ba
komentariu sira ne’ebe maka husu atu Raya Tex selu royalty, Raul Lemos afirma
katak, Raya Tex pronto atu selu, maibe kunfuzaun ida tanba atu selu ba se ho
iha nebe los.
“Tuir
hau nia hatene, Tais mai nanis kedas husi ita nia bei-ala sira iha tinan rihun
ba rihun kotuk, sira mate hotu ona, inlkuindu hau nia avo no viza avo sira mos
soru tais. Ho nune’e, tuir hau nia hanoin, se maka direitu atu simu royalty
la’os fundasaun ruma ou pesoal ruma, maibe Munisteriu Turismu, arte no Kultura
maka tenki kria fundasaun ida iha Ministeriu Alrte Kultura nia okos hodi zere
royalty sira ne’e. e la’os deit Raya Tex maka atu selu royalty ne’e maibe ita
hotu ne’ebe utiliza tais mesmu original ou ida printing mos selu hotu, tanba
ita kopia tuir sasna sira ne’ebe ita nia bei-ala sira halo tiha ona, siginfika
buat sira agora ne’e laos ema pesoal ida nian rasik,” hateten Raul Lemos.
Tuir
Raul Lemos nia hanoin, dala los ona maka Ministeriu Turismu no Arte Kultura,
emidiatamente kria fundasuan ida iha ministeriu nia okos ou konsulta ho legal
sira atu haree halo didiak hodi kontrola royalty sira ne’ebe maka ita nia
bei-ala sira husik hela. Nune’e, bele lori halo fali promosaun ba area tuirsmu
sira seluk.
Kona-fali
ba ema seluk nia preokupasaun kona-ba tais orginal ho pronting ne’ebe maka
dehan, printing atu hamate fali tais original hodi fo benefisiu deit ba ema
seluk, lalos no la rasional tanba maluk balun halo ropa ho tais original, maibe
hanesan hiasan deit, tanba uza deit tais pedasuk oan ida iha hena printing koor
oi-oin ne’ebe la iha relasaun ho tais orginal. Exemplu, kamiza ida presiza hena
metro rua, no tais orginal ne’e la to’o tan 25% I hena printing ho koor oi-oin
ne’e maka dominante.
“Ita
atu koalia presiza uluk halo evaluasaun no tetu nia rasionalidade. La bele
koalia kuandu la iha rajaun, anaunser, nia uza tais orginal ne’e tomak deit
hodi halo ropa, ho nune’e, hau hakarak hateten deit, diak liu uza tais printing
duke uza hena kor oi-oin ne’ebe printing no la iha korelasaun ho corak
tais orginal ita nian,” hateten Raul Lemos.
Apartir
agora ba oin, iha fatin ne’ebe deit, mesmu iha rai laran no estranjeirus,
liu-liu Indonesia Raul Lemos ho nia familia sei uza tais printing hanesan ropa
formal hodi tuir eventu saida deit ho nune’e, bele promove ita nia kultura.
“Uluk,
hau ho hau nia kaben Krisdayanti no hau nia oan sira kustuma ba serimonia boot
sira iha Indonesia tau batik, mas agora ba oin, kompremetidu ona, ami familia
tau deit maka tais printing. Raya Tex prontu halo debate publiku atu responde
no esplika komprenhensivu liu tan kona-ba polemika ne’ebe maka mosu relasiona
ho Tais Ready to Wear 2017,” tenik Raul Lemos. lia
Jornal
Nacional
Sem comentários:
Enviar um comentário