Sosiedade Sivil Husu PN Tenke Muda Lei Dupla Sidadania

DILI – Sosiedade Sivil sira husu ba orgaun estadu ka orgaun soberanu sira iha Timor Leste tenke muda, tanba arguida Emilia Pires sai ona ezemplu ka laleno ba kazu sira seluk.

Informasaun nee fo sai husi Reprezentante Programa Oficer AJAR, Inocencio Xavier ba STL iha nia knar fatin, Farol-Dili, Sesta (23/12/2016).

Sosiedade sivil insisti parlamentu haree konaba buat importante ba iha nasaun nian. Kestaun sidadania mos kestaun instabilidade ida nee nian,”dehan Reprezentante Programa Oficer AJAR, Inocencio.

Inocencio esplika, se ema fo naran-naran sidadaun deit, ema bele terorista ida, nia halo funu nia halai ba ema nia rain, depois labele ba kaer, tanba seidauk halo estradisaun. Inocencio tenik, ema neebe dupla sidadania tanba traidores mak ho pensamentu hanesan nee, se ema nee Timor oan, ema nee nasionalista ema nee patriotiku, ema nee mai ho identidade ida deit Timor para sempre.

Iha sorin seluk, Diretor Ezekutivu HAK, Manuel Monteiro dehan, Emilia hatudu dalan ona, agora se evidensia hanesan nee ona, lolos sira tenke book-an, tenke hahu deskute artigu ida neebe mak iha konstituisaun Republika koalia konaba sidadania rua.

Relasiona nee, Deputadu Bankada CNRT, Manuel Guterres dehan, hanesan deputadu laaseita dupla sidadania tanba dupla sidadania nee fo impaktu ba Timor Leste nia futuru tanba nee dala uniku mak halo revizaun. Informasaun kompletu iha STL Jornal no STL Web, edisaun Sabado (24/12/2016). Raimundo S. Fraga

Suara Timor Lorosae