Kareta Terseira Lejisltaura Tenke Entrega Hotu

DILI – Kareta paradu neebe deputadu terseira lejilatura sira uza, sira tenke entrega hotu, tanba nee tuir posedimentu ho ho regras.

Informa Sekretariu Jeral Parlamentu Nasional Mateus Ximenes Belo katak, haree ba kareta sira nee, deputadu sira sei fo hotu, laiha ema ida mak dehan hakarak no ida lakoi, tanba nee sira sei rekolla hotu kedas.

Kareta deputadu terseira lejislatura sira sae nee, sira tenke entrega, tanba tuir prosedimentu no jestaun neebe iha. Neebe kareta sira nee lori mai, ami sei aluga fatin hodi rai tanba fatin PN mos latoo ona, atu rai kareta,” katak Mateus ba jornalista Tersa (06/09/2017) iha PN bainhira partisipa iha tomada de Pose ba kuatru lejislatura.

Agora dadaun ohin ba oin nee tenke entrega hotu ona, laiha deputadu ida mak dehan lakohi entrega, tanba tuir iha nasaun ida ema hotu iha lei nia okos. Neebe deputadu tuan sira remata ona mandatu tenke entrega, kona ba sira nia osan 8 mil ba lelaun nee ohin mak haree.

Nunee mos Deputadu husi Bankada PLP, Mericio Akara hatete, haree ba sasan orgaun estadu nian nee responsabilidade orgaun estadu, tanba nee sira deputadu foun ba tuur iha PN, tuir lei no regras neebe mak iha, tanba sira ba iha PN reprezentante partidu, neebe partidu sira nia desizaun sei kumpri. 

Guilhermina Franco | Suara Timor Lorosae