Lú Olo Selebra Tinan Moris Hamutuk ho Funsionariu

DILI – Prezidente Republika Francisco Guterres Lú Olo festeza nia aniversariu loron moris nian ba dala 63, hamutuk ho funsionariu palasiu Prezidensial.

Tuir Prezidente Republika Francisco Guterres Lú Olo liu husi nia intervensaun katak nia parte kontente, tamba husi parte funsionariu tomak bele halo asaun solidaridade liu husi jestu, hodi festeza nia loron moris.

Imi nia solidaridade no jestus neebe maka hatudu bah au nee espesial tebes tamba hanesan Prezidente Republika neebe maka nudar ema moris neebe moris iha iha seluk ida nee, hau  hakarak agradese ba solidaridade hirak nee  ho ida neefunsionariu sira rasik maka bele hatudu rasik ita nian fraternidade neebe maka hamutuk  nudar Prezidente Republika iha uma fukun ida nee,” dehan PR Lú OLo iha nia interesaun iha seremonia aniversariu neebe maka halo iha palasiu prezidesial, Bairo Pite Kinta (7/9/2017).

Nia husu ba iha fusionariu tomak tenke hatudu nafatin asaun solidaridade hodi hatudu servisu neebe diak, liu husi kolaborasaun hamutuk ho Prezidente Republika, atu bele oferese buat diak ba povu.

Nunee mos Xefe Kasa Sivil Prezidensial Republika Francisco Vaz Concelhos husu ba funsionariu tomak, hamutuk ho Prezidente Republika bele halo servisu neebe diak liu.

Aniversariu PR Lú Olo ba Dala 63 nee festeza ho seremonia almosu konfraternizasaun hamutuk ho funsionariu tomak, neebe maka iha palasiu Prezidensial, nomos jornalista neebe maka halo kobertura iha fatin refere. 

Natalino Costa | Suara Timor Lorosae