Hasai Imunidade Vicente, CNRT-Khunto Seidauk Simu Karta Notefikasaun

DILI - Tuir informasaun neebe maka iha Tribunal haruka ona karta notefikasaun foun ba iha Parlamentu Nasional hodi hasai imunidade deputadu Vicente Guterres, maibe bankada CNRT ho KHUNTO deklara katak sira seidauk hetan karta refere.

Xefi bankada CNRT Arao Noe hateten, Karta nee dala ruma sei iha meja Prezidente Parlamentu karik, tanba to agora membru komisaun A seidauk simu despaisu ida relasaun ho materia atu hasai imunidade ba deputadu Vicente Guterres.

To agora ami membru komisaun A seidauk simu despaisu ida em relasaun ba material ida nee,” dehan deputadu Arao ba STL, iha PN, Dili, Segunda (03/10/2017).

Nia dehan, Portantu bainhira karta nee mai tuir sistema legal neebe maka iha, uluk Tribunal haruka karta mai lalos maka Parlamentu designa, agora importante haruka mai tuir prosesu normal buat hotu hotu lao laiha problema.

Iha fatin hanesan Membru Parlamentu Nasional husi bankada Khunto Jose Agostinho da Silva hateten, Bankada Khunto seidauk simu karta ida nee, maibe bainhira bankada simu karte nee se hare para de pois hodi fo hanoin ruma.

Entretantu Prezidente Parlamentu Nasional Aniceto Guterres hateten, Parlamentu Nasional seidauk simu karta notefikasaun husi Tribunal, hodi hasai levatamentu imunidade ba deputadu Vicente Guterres, dehan PPN Aniceto. 

Carme Ximenes | Suara Timor Lorosae