Portugal
tenki firmi no husu justisa iha kazu hosi prizaun Davide Justino nian iha
Timor-Leste, ne'ebé hetan akuzasaun ajuda kazal Guerra halai ba Austrália,
deklara hosi irmaun hosi sidadaun portugés ne'ebé prezu iha loron-tersa ne'e.
"Ha'u
hakarak de'it atu ita nia Estadu iha asaun firmi ida kona-ba situasaun ne'e no
husu justisa. Ha'u lakohi atu ha'u nia irmaun hetan liberdade de'it, ha'u
hakarak atu ha'u nia irmaun iha seguransa no bele kumpri lei", Rolando
Justino hatete iha deklarasaun sira ba Lusa.
Davide
Justino kaer iha nia uma iha loron 08 Dezembro hosi autoridade polisial sira
Timor-Leste nian, ne'ebé akompaña ho komunikasaun sosial timoroan nian.
Aprezenta ba juíz ida liutiha oras 72 hafoin nia detensaun.
Hamutuk
ho nia kaer mós timoroan na'in rua, ida agora hamutuk ho nia iha prizaun
preventivu iha Bekora no ida seluk hetan Termu Identidade no Rezidénsia no
labele sai hosi nasaun.
Sidadaun
portugés hetan akuzasaun iha tribunal ba brankeamentu kapital nian, halo
dokumentu falsu no favoresimentu pesoal, ho Ministériu Públiku konsidera katak
trio ne'e envolve iha apoiu hodi ajuda kazal Guerra halai.
Sidadaun
portugés hetan akuzasaun iha tribunal, haktuir hosi Rolando Justino, hosi
brankeamentu kapital sira no asosiasaun ba kazal Guerra nia halai.
Tiago
ho Fong Fong Guerra nia kazu hamosu hela momentu ida ne'ebé todan hosi relasaun
bilateral sira entre Portugal ho Timor-Leste iha tinan hirak ikus ne'e, hamosu
krítika maka's iha sosiedade timoroan.
Hetan
kondenasaun ba tinan ualu iha kadeia Díli - kazu ne'e seidauk tranzita iha
julgamentu tanba hetan rekursu - Tiago ho Fong Fong halai ba Austrália ho ró,
iha loron 09 Novembru, no to'o iha Lisboa iha loron 25 Novembru.
"Ami
iha konvensaun sira, iha tratadu sira, ami halo parte hosi CPLP (Komunidade
hosi Nasaun sira Lian Portugeza), iha direitu sira ne'ebé tenki defende no ha'u
la haree ita nia Estadu luta ba asuntu ne'e. Sé maka asina konvensaun sira ne'e
tenki respeita no ha'u la haree ne'e akotnese", Rolando Justino hatete
kona-ba nia irmaun nia kazu.
"Ha'u
hakarak atu Estadu portugés iha prezensa. Ha'u hakarak atu laiha perseguisaun
ba ha'u nia irmaun no ba komunidade portugeza iha Timor-Leste", nia
hatutan.
Tuir
Rolando Justino, empreza ne'ebé nia irmaun hanesan sósiu iha 10% (Corais de
Timor, kompañia rekreasaun turístiku nian), "fa'an ona ró ida ne'ebé, tuir
autoridade timoroan sira, uza hosi kazal Guerra hodi halai".
"Autoridade
timoroan sira hatete katak aprezenta ona dokumentu falsu sira, hosi ema
timoroan sira, hodi sosa ró. La'ós ha'u nia irmaun maka fa'an ró, maibé nia
sósiu timoroan (ne'ebé prezu mós). Nia prepara de'it ró tanba sósiu husu. Nia,
Davide, la koñese kazal Guerra", nia hatete.
"Hosi
investigasaun sira ne'ebé halo ona, autoridade timoroan sira to'o iha empreza
ida ne'ebé iha ema portugés na'in ida, ho 10%. Sira hakarak halo kedas
detensaun, lori komunikasaun sosial, aproveita ne'e no halo ha'u nia irmaun
hanesan ezemplu hodi hatudu katak sira hanesan kompetente", nia refere no
hatutan katak kazu rua ne'e hamosu relasaun diplomátiku ne'ebé ladi'ak entre
Portugal ho Timor-Leste.
Rolando
Justino deklara ona katak antes hetan detensaun, nia irmaun ko'alia ho polísia
investigasaun timoroan nian hodi fó deklarasaun sira iha eskuadra polísia nian.
"Ha'u
nia irmaun ba rasik eskuadra no, iha momentu ne'e hasai kedas pasaporte, lahó
justifikasaun ruma, no ho promesa katak dokumentu ne'e sei fó fali ba nia iha
loron tuirmai", Rolando Justino hatete no hatutan katak nia irmaun seidauk
hetan fali dokumentu maski ho intervensaun hosi reprezentante ida hosi
embaixada portugeza nian iha Díli.
Lori
ona Davide Justino ba estabelesimentu prizional iha Bekora.
"Iha
semana liubá, ha'u nia irmaun transfere ona hosi bloku no agora hamutuk ona ho
prezu kondenadu sira, ne'ebé nia simu ona tratamentu aat sira. Ha'u tauk tebes
ba nia seguransa ho nia moris", Rolando Justino hatete.
Tuir
nia, kuñada agora besik to'o iha Portugal hodi husik oan-feto sira, ho tinan 8
no tinan lima, ho família sira, hodi bele fila fali ba Timor-Leste.
Rolando
Justino kontakta ona Serbisu hosi Asuntu Konsular sira, Diresaun-Jeral hosi
Asuntu Konsular sira no hosi Komunidade Portugeza sira no Prezidénsia
Repúblika.
"Ha'u
la hatene saida maka sira halo iha kotuk hodi garanti atu bele aplika
justisa", nia afirma.
SAPO
TL ho Lusa
Sem comentários:
Enviar um comentário