Jornalista
na'in 65 mate ona iha tinan ne'e iha mundu tomak, inklui profisional na'in 50,
"jornalista-sidadaun" (‘blogger sira’) na'in hitu no
"kolaborador" sira hosi "media" na'in ualu, haktuir hosi
relatóriu anual hosi Reporters sans Frontières (RSF) ne'ebé maka fó sai iha
loron-kuarta ne'e.
Balansu
hosi 2017 halo sai hanesan ladún mortíferu iha tinan 14 nia laran ba jornalista
profisional sira, observa hosi organizasaun la'ós governamental ho sede iha
Paris.
Hosi
jornalista na'in 65 (profisional sira no la'ós profisional sira) ne'ebé mate
dezde inísiu tinan ne'e, na'in 39 ne'ebé ema oho ka karik hetan atake no na'in
26 mate iha ezersísiu hosi sira nia funsaun sira.
Hanesan
ho tinan liubá, Síria sai hanesan nasaun ida ne'ebé maka iha mate barak ba
jornalista sira, ho rejistu ba ema na'in 12 mate, tuir Méxiko (na'in 11),
Afeganistaun (na'in sia), Irake (na'in ualu) ho Filipina (na'in haat).
Bainhira
ladún iha profisional sira hosi komunikasaun sosial ne'ebé mate iha mundu tomak
iha tinan 2017 kompara ho tinan liubá (na'in 79) ne'e iha relasaun "ho
aumentu hosi konsiénsia hosi nesesidade hodi proteje di'ak jornalista sira no
ba multiplikasaun hosi kampaña sira ne'ebé lansa hosi organizasaun
internasional sira no hosi "media" sira rasik, hatete hosi RSF.
Maibé
tanba "nasaun sira sai perigozu liután bainhira sira hahú hadook
jornalista sira", haktuir hosi Reporters sans Frontières.
"Hanesan
kazu hosi Síria, Irake, Iémen, Líbia, ne'ebé iha hemorrajia ida hosi profisaun
ne'e", lamenta hosi RSF.
Bainhira
konflitu armadu sira hamosu perigu ba moris hosi jornalista sira ne'ebé halo
reportajen ba funu sira, iha nasaun sira hanesan Méxiko "grupu sira no
polítiku lokal sira hamosu teror", nune'e halo mós jornalista sira
"husik nia nasaun ka nia profisaun".
"Méxiko
hanesan nasaun ida ne'ebé iha dame ne'ebé maka perigozu liu iha mundu ba
jornalista sira", haktuir hosi RSF iha relatóriu anual.
SAPO
TL ho Lusa
Sem comentários:
Enviar um comentário