FMSS Atribui Prémiu Ba Manan Na’in Desportu

DILI, (TATOLI) - Fakuldade Medisina no Siénsia Saúde (FMSS), Universidade Nasionál Timor Lorosa’e (UNTL) atribui prémiu 12 novembru 1991 ba manan na’in kompetisaun desportu

 ho modalidade volleyball, basketball no futsál (futebol salaun) kategória feto no mane.

Objetivu mak hodi bele hametin liutan domin, dame, unidade no respeitu hodi valoriza espiritu asuwa’in Masakre 12 Novembru 1991 no hametin lasu amizade entre estudante sira iha fakuldade.

“Durante tinan ida, profesór sira balun fó tugas (tarefa-red) barak tebes maibé imi konsege ultrapasa dezafiu ida ne’e, iha kna’ar no responsabilidade akadémika ne’ebé imi tenke la’o tuir maibé imi eselente tebes uza tempu atu bele haburas nafatin talentu nomós kreatividade,” apresia dekanu FMSS, João Martins ba estudante sira, iha Kampus Lahane, Díli, ohin.

Nia mós reforsa katak ho atividade sira hanesan ne’e hanesan mós meius ida hodi treina aan oinsá bele sai lideransa no lider iha futuru. Lideransa ne’e hahú ho buat ki’ikoan sira.

“Ita-nia maun boot sira; maun Xanana, maun Nicolau Lobato, Lere no sira seluk tan, sira seluk mós hahú ho buat ki’ikoan depois mak prosesu ne’e lori sira sa’e.Ha’u fi’ar katak ita-boot sira sei to’o iha ne’ebá,” kompara dekanu.

Xefe Ezekutivu Assosiasaun Akadémika Estudantil, FMSS, Adão do Carmo de Jesus hateten, ho atividade sira ne’ebé FMSS organiza tanba hola parte iha planu anuál FMSS nian, nune’e husu atu estudante sira iha FMSS atu kontinua hamutuk nafatin.

“Presiza serbisu mak barak duke ko’alia. Ita-nia misaun sei iha no kontinua, serbisu!” Xefe ezekutivu asosiasaun Akadémiku FMSS ne’e fó hanoin nafatin perante universitáriu FMSS sira.

Manan Na’in kompetisaun FMSS

Terseira lugar basketball feto mak parteira semestre rua, turma B, segunda lugar feto monu ba departamentu nutrisaun semestre haat no primeiru lugar medisina jerál, primeiru no segundu ano.

Husi modalidade volleyball nian, terseiru lugar volleyball feto monu ba parteira semestre rua, turma A, segundu lugar monu ba parteira semestre haat, turma B no primeiru lugar volleyball feto monu ba departamentu nutrisaun semestre haat.

Modalidade futsál nian ba mane sira, terseiru lugar monu ba enfermajen semestre rua, segundu lugar monu ba nutrisaun semestre haat no primeiru lugar mak medisina jerál terseiru ano.

Futsál ba feto, terseiru lugar monu ba medisina jerál primeiru ano no segundu ano, segundu lugar monu ba parteira semestre haat, turma B no primeru lugar monu ba parteira semetre rua, turma B.

Entretantu atividade desportiva ne’e hahú realiza iha sábadu, (30/9) ho partisipasaun husi grupu futsal mane hamutuk 14, volley grupu feto de’it hamutuk neen no basket grupu feto walu no mane walu.

Entretantu atividade desportiva ne’e hahú realiza iha sábadu, (30/9) ho partisipasaun husi grupu futs lugar feto monu ba departamentu nutrisaun semestre haat no primeiru lugar medisina jerál mane hamutuk 14, volley grupu feto de’it hamutuk neen no basket grupu feto walu no mane walu.

Atividade ne’e realiza tan kontribuisaun individuál estudante, estrutura fakuldade inklui empreza timoroan ida ho naran STAR PRINTING. Totál orsamentu hamutuk dolár 820, katak kontribuisaun STAR PRINTING hamutuk dolár 300, kontribuisaun estudante dolár 400, restu seluk mai husi entidade voluntáriu sira seluk iha fakuldade.

Seluk, iha atribuisaun prémiu ne’e, estudante no estrutura FMSS mós realiza natál hamutuk ho misa ho tema jerál Natal Com Fraternização, Entre Cívitas Acadêmicas FMCS  no espesífika a esperança de solenizar o dia com a paz, o amor e a responsabilidade para contribuir à igreja e à nossa nação.

Jornalista: Rafy Belo | Editór: Manuel Pinto

Imajen: Reprezentante manan na’in ba kompetisaun sira. Foto Tatoli: Egas Cristovão.