DILI, (TATOLI) - Prezidente
Repúblika, Francisco Guterres Lu Olo husu ba Ministériu Administrasaun Estatál
(MAE), komisaun Nasionál eleisaun (CNE-Sigla Portugés) no Servisu Tékniku
Administrasaun Eleitorál (STAE) atu hadi’a kalendáriu foun ba eleisaun
antisipada.
Xefe estadu hato’o pedidu nee
bainhira simu opsaun dahuluk ba kalendáriu EA ne’ebé aprezenta hosi MAE, CNE no
STAE ohin iha Palásiu prezidensiál Bairru-Pité, ohin.
“Presidente Repúblika nia
sujestaun atu reúne fali hodi hare kondisaun hotu hodi mai fali ho proposta atu
presidente foti desizaun, ” Ministru MAE, Valentim Ximenes, informa, no la
esplika loloos proposta saida mak sira aprezenta ba xefe estadu.
“Ami fila fali ba hodi ajusta
kalendáriu ida para bele favorese ba operasaun téknika hodi fasilita ba
eleisaun, “ nia tenik.
Inprinsípiu tuir Valentim,
Prezidente Lú Olo propoin governu atu buka kalendáriu ida di’ak para povu
hotu bele partisipa iha loron eleisaun.
Jornalista: Agapito dos santos | Editór:
Manuel Pinto
Imajen: Ministru Administrasaun
Estatal, Valentim Ximenes.
Sem comentários:
Enviar um comentário